SportPress.kz قازاقستان سپورت جاڭالىقتارى
قىتايدىڭ حانچجوۋ قالاسىندا ءوتىپ جاتقان ازيادادا قازاقستان سپورتشىلارىنىڭ قورجىنىنا تاعى ءبىر جۇلدە ءتۇستى. بۇل جولى دا قولا مەدال كەلدى. ونى دزيۋدودان 63 كەلىگە دەيىنگى سالماقتا ونەر كورسەتكەن ەسميگۇل كۋيۋلوۆا جەڭىپ الدى. ول وزبەك سپورتشىسى سەۆينچ يسوكوۆادان باسىم ءتۇستى.
جەڭىس وڭاي كەلمەيدى. بىراق بۇگىن ەسميگۇل جەڭىسكە دەگەن قۇلشىنىسىن كورسەتتى. ونىڭ الدا ۇلكەن جەڭىستەر كۇتىپ تۇرعانىنا كۇمانىم جوق، – دەدى ازيادادا جارىستى تاماشالاعان تۋريزم جانە سپورت ءمينيسترى ەرمەك مارجىقپاەۆ.
بۇل قازاقستان قۇراماسىنىڭ بيىلعى ازياداداعى دزيۋدودان ءۇشىنشى مەدالى. كەشە 48 كگ دەيىنگى سالماقتا ابيبا ابۋجاقىنوۆا كۇمىس مەدال جەڭىپ السا، ماعجان شامشادين 60 كگ دەيىنگى سالماقتا قولا مەدال يەلەندى.
تۋريزم جانە سپورت مينيسترلىگىنىڭ ءباسپاسوز قىزمەتى
فوتو: تۋريزم جانە سپورت مينيسترلىگى
