XIX Azıada: Qazaqstan qorjynyna taǵy bir júlde tústi (FOTO)

Qytaıdyń Hanchjoý qalasynda ótip jatqan Azıadada Qazaqstan sportshylarynyń qorjynyna taǵy bir júlde tústi. Bul joly da qola medal keldi. Ony dzıýdodan 63 kelige deıingi salmaqta óner kórsetken Esmıgúl Kýıýlova jeńip aldy. Ol ózbek sportshysy Sevınch Isokovadan basym tústi. 

Jeńis ońaı kelmeıdi. Biraq búgin Esmıgúl jeńiske degen qulshynysyn kórsetti. Onyń alda úlken jeńister kútip turǵanyna kúmánim joq, – dedi Azıadada jarysty tamashalaǵan týrızm jáne sport mınıstri Ermek Marjyqpaev.

Bul Qazaqstan quramasynyń bıylǵy Azıadadaǵy dzıýdodan úshinshi medali. Keshe 48 kg deıingi salmaqta Abıba Ábýjaqynova kúmis medal jeńip alsa, Maǵjan Shamshadın 60 kg deıingi salmaqta qola medal ıelendi.

Týrızm jáne sport mınıstrliginiń baspasóz qyzmeti

FOTO: Týrızm jáne sport mınıstrligi