SportPress.kz قازاقستان سپورت جاڭالىقتارى
قىتايدىڭ حانچجوۋ قالاسىندا ءوتىپ جاتقان ازيا ويىندارىندا قازاقستان قۇراماسى بۇگىنگى التىن جۇلدەنىڭ ارقاسىندا جالپىكوماندالىق ەسەپتە 11-ورىنعا كوتەرىلدى.
توپ باسىنا الاڭ يەلەرى – قىتاي حالىق رەسپۋبليكاسىنىڭ سپورتشىلارى ورنالاسىپ وتىر. ولار 59 التىن، 39 كۇمىس جانە 13 مەدال الدى. ەكىنشى ورىندا وڭتۇستىك كورەيانىڭ وكىلدەرى كەلەدى. تاڭعى شىق ەلىنىڭ سپورتشىلارى 15 التىن، 16 كۇمىس جانە 22 قولا جۇلدەنى جەڭىپ الدى. ودان كەيىنگى ساتىدا جاپونيا قۇراماسى تۇر. كۇنشىعىس ەلىنىڭ وكىلدەرىندە 9 التىن، 21 كۇمىس جانە 21 قولا مەدال بار.
ولاردىڭ وكشەسىن گونكونگتىڭ ساڭلاقتارى باسىپ كەلەدى. ازياداعا قىتايدىڭ باسقا وڭىرىنەن كەلگەن سپورتشىلار 5 التىن، 7 كۇمىس جانە 11 قولا جۇلدەنى يەلەندى. ۇزدىك بەستىكتەن وزبەكستان قۇراماسى دا كورىنىپ وتىر. بۇل مەملەكەتتىڭ وكىلدەرى ازىرشە 5 التىن، 6 كۇمىس جانە 11 قولا مەدالدى جەڭىپ الدى.
ودان كەيىنگى ورىنداردا ءۇندىستان، تايلاند، يندونەزيا، تايۆان، يران ەلدەرىنىڭ سپورتشىلارى كەلەدى. قازاقستان سپورتشىلارى 1 التىن، 2 كۇمىس جانە 7 قولا مەدالمەن 11-ورىندا تۇر. ال قازاقستاننىڭ الدىنداعى يران يسلام رەسپۋبليكاسىنىڭ قۇراماسىندا 1 التىن، 4 كۇمىس جانە 5 قولا جۇلدە بار. بۇل ەل 2 كۇمىس جۇلدەنى ارتىق الىپ، توپ-10 ەلدىڭ قاتارىنا كىرىپ وتىر.
داستان كەنجالين،
استانا
فوتو: تۇرار قازانعاپوۆ
