XIX Azıada: Qazaqstan 11-orynǵa kóterildi

Qytaıdyń Hanchjoý qalasynda ótip jatqan Azııa oıyndarynda Qazaqstan quramasy búgingi altyn júldeniń arqasynda jalpykomandalyq esepte 11-orynǵa kóterildi.

Top basyna alań ıeleri – Qytaı Halyq Respýblıkasynyń sportshylary ornalasyp otyr. Olar 59 altyn, 39 kúmis jáne 13 medal aldy. Ekinshi orynda Ońtústik Koreıanyń ókilderi keledi. Tańǵy shyq eliniń sportshylary 15 altyn, 16 kúmis jáne 22 qola júldeni jeńip aldy. Odan keıingi satyda Japonııa quramasy tur. Kúnshyǵys eliniń ókilderinde 9 altyn, 21 kúmis jáne 21 qola medal bar.

Olardyń ókshesin Gonkongtyń sańlaqtary basyp keledi. Azıadaǵa Qytaıdyń basqa óńirinen kelgen sportshylar 5 altyn, 7 kúmis jáne 11 qola júldeni ıelendi. Úzdik bestikten О́zbekstan quramasy da kórinip otyr. Bul memlekettiń ókilderi ázirshe 5 altyn, 6 kúmis jáne 11 qola medaldi jeńip aldy.

Odan keıingi oryndarda Úndistan, Taıland, Indonezııa, Taıvan, Iran elderiniń sportshylary keledi. Qazaqstan sportshylary 1 altyn, 2 kúmis jáne 7 qola medalmen 11-orynda tur. Al Qazaqstannyń aldyndaǵy Iran Islam Respýblıkasynyń quramasynda 1 altyn, 4 kúmis jáne 5 qola júlde bar. Bul el 2 kúmis júldeni artyq alyp, TOP-10 eldiń qataryna kirip otyr.

Dastan KENJALIN,

ASTANA

FOTO: Turar QAZANǴAPOV