ازيادادا قازاقستانعا سەمسەرلەسۋدەن قولا جۇلدە بۇيىردى

ازيا ويىندارىندا سەمسەرلەسۋدەن قازاقستان قۇراماسى جارتىلاي فينالدا وڭتۇستىك كورەيا كومانداسىنان جەڭىلىپ، قولا جۇلدەنى قاناعات تۇتتى.

قۇرامىندا مۇحامەدالى ءراحمانالي، نازارباي ساتتارحان، جانات نابيەۆ پەن ارتەم ساركيسيان بار ەرلەر كومانداسى الەمنىڭ ۇزدىكتەرىنىڭ ءبىرى سانالاتىن وڭتۇستىك كورەيانىڭ سپورشىلارىنا  41:45 ەسەبىمەن جول بەردى.

بيىلعى ازيادادا قازاقستان قۇراماسى جارىستى جاقسى باستاعان ەدى.  كوماندا 1/8 فينالدا نەپالدىڭ وكىلدەرىن  45:15، شيرەك فينالدا كۋۆەيت قۇراماسىن 45:43 ەسەبىمەن جەڭگەن بولاتىن. ال ½ فينالعا كەلگەندە جىگىتتەردىڭ شاماسى فينالعا شىعۋعا جەتپەدى.

وسىلايشا، قازىر قازاقستان قۇراماسىنىڭ ازيا ويىندارىنداعى مەدال قورجىنىندا 14 جۇلدە بار. سپورتشىلار ءبىر التىن، ەكى كۇمىس جانە 11 قولا جۇلدەنى يەلەنىپ وتىر.

داستان كەنجالين،

استانا

فوتو: سالي سابيروۆ