Azıadada Qazaqstanǵa semserlesýden qola júlde buıyrdy

Azııa oıyndarynda semserlesýden Qazaqstan quramasy jartylaı fınalda Ońtústik Koreıa komandasynan jeńilip, qola júldeni qanaǵat tutty.

Quramynda Muhamedáli Rahmanálı, Nazarbaı Sattarhan, Janat Nábıev pen Artem Sarkısıan bar erler komandasy álemniń úzdikteriniń biri sanalatyn Ońtústik Koreıanyń sporshylaryna  41:45 esebimen jol berdi.

Bıylǵy Azıadada Qazaqstan quramasy jarysty jaqsy bastaǵan edi.  Komanda 1/8 fınalda Nepaldyń ókilderin  45:15, shırek fınalda Kýveıt quramasyn 45:43 esebimen jeńgen bolatyn. Al ½ fınalǵa kelgende jigitterdiń shamasy fınalǵa shyǵýǵa jetpedi.

Osylaısha, qazir Qazaqstan quramasynyń Azııa oıyndaryndaǵy medal qorjynynda 14 júlde bar. Sportshylar bir altyn, eki kúmis jáne 11 qola júldeni ıelenip otyr.

Dastan KENJALIN,

ASTANA

FOTO: Salı SABIROV