SportPress.kz قازاقستان سپورت جاڭالىقتارى
كەشە ازيا ويىندارىندا قازاقستان كومانداسى ەكى التىن، ءبىر كۇمىس جانە التى قولا مەدال جەڭىپ الدى.
ستەند اتۋدان سكيت باعدارلاماسى بويىنشا ارالاس كوماندالىق سايىستا ونەر كورسەتىپ جاتقان اسەم ورىنباي مەن ەدۋارد ەششەنكو جۇبى فينالدا كۋۆەيتتەن باسىم ءتۇستى. ال نىسانا كوزدەۋدە زۋحرا يرنازاروۆا التىن مەدال الدى.
10 مەتر قاشىقتىقتان جىلجىمالى نىساناعا وق اتۋ سايىسىندا 18 جاستاعى زۋحراعا تەڭ كەلەتىن ەشكىم بولعان جوق. 10 مەتر قاشىقتىقتان جىلجىمالى نىساناعا وق اتۋ سايىسىندا قازاقستان ايەلدەر قۇراماسى (زۋحرا يرنازاروۆا، فاتيما يرنازاروۆا، الەكساندرا سادۋاقاسوۆا) ەكىنشى ورىنعا يە بولدى.
جاعاجاي ۆولەيبولىنان جۇپتىق باسەكەدە دميتري ياكوۆلەۆ پەن سەرگەي بوگاتۋ قولا مەدال ءۇشىن ماتچتا يران كومانداسىن جەڭدى. ەەسەپ — 2:0 (25:23، 30:28).
سپورتتىق گيمناستيكادان ات سناريادىندا ونەر كورسەتكەن 25 جاستاعى ناريمان قۇربانوۆ قولا جۇلدەگە قول جەتكىزدى. ناريمان قۇربانوۆ 15.100 ۇپاي جينادى.
50 مەترگە باتتەرفلياي ادىسىمەن ءجۇزۋ جارىسىندا ادىلبەك مۋسين قولا جۇلدەگە يە بولدى. بۇل سپورتشىنىڭ وسى ازياداداعى ەكىنشى قولا مەدالى. كەشە ول 100 مەتر قاشىقتىقتاعى وسى ءادىس بويىنشا دا قولا مەدال العان.
تاەكۆوندودان ۇلتتىق قۇرامانىڭ سپورتشىلارى دەنيز جانسەل (+67 كگ) جانە سمايىل دۇيسەباي (+80 كگ) ازيا ويىندارىنىڭ قولا جۇلدەگەرى اتاندى.
سەمسەرلەسۋدەن ەرلەر قۇراماسى (مۇحامەدالي ءراحمانالى، نازارباي ساتتارحان، جانات نابيەۆ، ارتەم ساركيسيان) كوماندالىق جارىستا قولا مەدال جەڭىپ الدى.
اسلانبەك شىمبەرگەنوۆ قىتايلىق قارسىلاسىن جەڭىپ، بوكستان جارىستىڭ كەلەسى كەزەڭىنە شىقتى.
5×5 باسكەتبولدا قازاقستاننىڭ ەرلەر كومانداسى ءباا قۇراماسىن 59:49 ەسەبىمەن جەڭدى. ال 3×3 باسكەتبولدا ۇلتتىق قۇراما تايلاندتان 19:16 ەسەبىمەن باسىم ءتۇستى.
كيريلل گەراسيمەنكو ۇستەل تەننيسىنەن 1/8 فينالدا ۆەتنامدىق سپورتشىنى 4:0 ەسەبىمەن ايلاسىن اسىردى.
سۋ دوبىنان ايەلدەر قۇراماسى وڭتۇستىك كورەيا كومانداسىن 24:4 ەسەبىمەن جەڭدى.
بەسىنشى جارىس كۇنىنىڭ قورىتىندىسى بويىنشا قازاقستان قۇراماسىنىڭ قورجىنىندا 3 التىن، 3 كۇمىس جانە 16 قولا جۇلدە بار.
تۋريزم جانە سپورت مينيسترلىگى
فوتو: تۋريزم جانە سپورت مينيسترلىگى
