SportPress.kz Qazaqstan sport jańalyqtary
Keshe Azııa oıyndarynda Qazaqstan komandasy eki altyn, bir kúmis jáne alty qola medal jeńip aldy.
Stend atýdan skıt baǵdarlamasy boıynsha aralas komandalyq saıysta óner kórsetip jatqan Ásem Orynbaı men Edýard Eщenko juby fınalda Kýveıtten basym tústi. Al nysana kózdeýde Zýhra Irnazarova altyn medal aldy.
10 metr qashyqtyqtan jyljymaly nysanaǵa oq atý saıysynda 18 jastaǵy Zýhraǵa teń keletin eshkim bolǵan joq. 10 metr qashyqtyqtan jyljymaly nysanaǵa oq atý saıysynda Qazaqstan áıelder quramasy (Zýhra Irnazarova, Fatıma Irnazarova, Aleksandra Sadýaqasova) ekinshi orynǵa ıe boldy.
Jaǵajaı voleıbolynan juptyq básekede Dmıtrıı Iakovlev pen Sergeı Bogatý qola medal úshin matchta Iran komandasyn jeńdi. eEsep — 2:0 (25:23, 30:28).
Sporttyq gımnastıkadan at snarıadynda óner kórsetken 25 jastaǵy Narıman Qurbanov qola júldege qol jetkizdi. Narıman Qurbanov 15.100 upaı jınady.
50 metrge batterflıaı ádisimen júzý jarysynda Ádilbek Mýsın qola júldege ıe boldy. Bul sportshynyń osy Azıadadaǵy ekinshi qola medali. Keshe ol 100 metr qashyqtyqtaǵy osy ádis boıynsha da qola medal alǵan.
Taekvondodan ulttyq quramanyń sportshylary Denız Jansel (+67 kg) jáne Smaıyl Dúısebaı (+80 kg) Azııa oıyndarynyń qola júldegeri atandy.
Semserlesýden erler quramasy (Muhamedalı Rahmanáli, Nazarbaı Sattarhan, Janat Nábıev, Artem Sarkısıan) komandalyq jarysta qola medal jeńip aldy.
Aslanbek Shymbergenov qytaılyq qarsylasyn jeńip, bokstan jarystyń kelesi kezeńine shyqty.
5×5 basketbolda Qazaqstannyń erler komandasy BAÁ quramasyn 59:49 esebimen jeńdi. Al 3×3 basketbolda ulttyq qurama Taılandtan 19:16 esebimen basym tústi.
Kırıll Gerasımenko ústel tennısinen 1/8 fınalda vetnamdyq sportshyny 4:0 esebimen aılasyn asyrdy.
Sý dobynan áıelder quramasy Ońtústik Koreıa komandasyn 24:4 esebimen jeńdi.
Besinshi jarys kúniniń qorytyndysy boıynsha Qazaqstan quramasynyń qorjynynda 3 altyn, 3 kúmis jáne 16 qola júlde bar.
Týrızm jáne sport mınıstrligi
FOTO: Týrızm jáne sport mınıstrligi
