تەننيسشى ياسمين ديۋسەمباەۆا يسپانياداعى ءتۋرنيردىڭ جەڭىمپازى اتاندى

تەننيسشى ياسمين دۇيسەمباەۆا يسپانيانىڭ سانتا پونسا قالاسىندا 12 جاسقا دەيىنگىلەر اراسىندا ەكىنشى ساناتتاعى Tennis Europe سەرياسى بويىنشا وتكەن ءتۋرنيردىڭ جەڭىمپازى اتاندى.

قازاقستان تەننيس فەدەراتسياسىنىڭ حابارلاۋىنشا، ياسمين فينالدا بولگاريانىڭ وكىلى مايا ميحوۆانى 7:5، 6:2 ەسەبىمەن جەڭدى.

ۇلدار اراسىندا تاعى ءبىر تەننيسشىمىز احمادي ماحانوۆ فينالعا دەيىن جەتىپ، كورت يەسى توماس مارتيندەن 1:6، 1:6 ەسەبىمەن جەڭىلدى. ال جۇپتىق سىندا احمادي بالقان نۇرداۋلەتپەن بىرگە فينالدا سلوۆاكيالىق لەونارد نيپتس پەن ۋكراينالىق ەگور رومانيۋتتان 6:1، 6:2 ەسەبىمەن باسىم ءتۇسىپ، جەڭىمپازدار قاتارىنا قوسىلدى. ادەمى السەيپۋلوۆا نيدەرلاندتىق پيپپا فەننيسپەن بىرگە فينالدا يسپانيالىقتار پەلاس پەن بەلترانعا ەسە جىبەردى. ەسەپ – 3:6، 4:6.

فوتو: قازاقستان تەننيس فەدەراتسياسى