EURO-2024: قازاقستان قۇراماسى كامبەك جاسادى (ۆيدەو)

قازاقستان ۇلتتىق قۇراماسى 2024 جىلعى ەۋروپا چەمپيوناتىنا ىرىكتەۋ كەزەڭىندە سەگىزىنشى ويىنىن فينليانديا كومانداسىنا قارسى وتكىزدى. ويىن حەلسينكيدەگى «وليمپياشتاديون» ستاديونىندا بولدى، دەپ حابارلادى قازاقستار فۋتبول فەدەراتسياسى.

ءبىرىنشى تايمدا روبەرت تەيلور سالعان گولدىڭ ارقاسىندا فينليانديا قۇراماسى العا شىقتى.

ۇزىلىستەن كەيىن ۇلتتىق قۇراما ەسسەپتى تەڭەستىردى. قاقپانى پەنالتيدەن باحتيەر زاينۋتدينوۆ ءدال كوزدەدى. ال ماتچتىڭ 89-مينۋتىندا رامازان ورازوۆتىڭ بۇرىشتاما دوبىنان كەيىن «بەشيكتاش» ويىنشىسى دۋبل جاسادى. ول اۋەلەتە بەرگەن پاستى باسپەن سوعىپ،  جەڭىس گولىن سىيلادى. قورىتىندى ەسەپ —  2:1.

باحتيەر زاينۋتدينوۆتىڭ ەكى دوبى وعان رۋسلان بالتيەۆتى (13 گول) باسىپ وزىپ، 14 گولمەن قازاقستان قۇراماسىنىڭ تاريحىنداعى ۇزدىك سۇرمەرگەن اتاعىنا جەتكىزدى.

8-تۋردان كەيىن قازاقستان قۇراماسىندا H توبىنداعى تۋرنيرلىك كەستەسىندە 15 ۇپاي بار.

كوماندا كەلەسى ماتىن 17 قاراشادا استانادا سان-مارينو كومانداسىنا قارسى وتكىزەدى. ال ەۋروعا سوڭعى ىرىكتەۋ ويىنى 21 قاراشاعا جوسپارلانعان. وندا قازاقستان قۇراماسى قوناقتا سلوۆەنيا قۇراماسىمەن كەزدەسەدى.

فينليانديا – قازاقستان – 1:2 (1:0)

گولدار: تەيلور 28 – زاينۋتدينوۆ 77، 89;

ەسكەرتۋلەر: يۆانوۆ 72 – ماروچكين 27، سامورودوۆ 79، قۋات 81، سكۆورتسوۆ 90+4، بەيسەبەكوۆ 90+5 (الاڭنان تىس)، ورازوۆ 90+5;

فينليانديا: گرادەتسكي، يەنسەن (ۋرونەن 88)، يۆانوۆ، حوسكونەن، كامارا، تەيلور (كاللمان 77)، پۋككي (فورسس 77)، حوكانس، كايرينەن، الحو (سويري 88)، پوحيانپالو;

قازاقستان: شاتسكي، بىستروۆ (ەرلانوۆ 87)، ماروچكين، ءالىپ، ۆوروگوۆسكي، قايىروۆ (سكۆورتسوۆ 86)، بەيسەبەكوۆ (قۋات 55)، تاعىبەرگەن (تاپالوۆ 86)، زاينۋتدينوۆ، ورازوۆ، سامورودوۆ (ايىمبەتوۆ 86);

تورەشىلەر: پەلتو، يبريسيمبەگوۆيچ، بەيلو (بارلىعى – بوسنيا جانە گەرتسەگوۆينا).

17.10.2023. فينليانديا، حەلسينكي، «وليمپياشتاديون».

فوتو: قازاقستان فۋتبول فەدەراتسياسى