EURO-2024: Qazaqstan quramasy kambek jasady (VIDEO)

Qazaqstan ulttyq quramasy 2024 jylǵy Eýropa chempıonatyna irikteý kezeńinde segizinshi oıynyn Fınlıandııa komandasyna qarsy ótkizdi. Oıyn Helsınkıdegi «Olımpıashtadıon» stadıonynda boldy, dep habarlady Qazaqstar fýtbol federaııasy.

Birinshi taımda Robert Teılor salǵan goldyń arqasynda Fınlıandııa quramasy alǵa shyqty.

Úzilisten keıin ulttyq qurama essepti teńestirdi. Qaqpany penaltıden Bahtıer Zaınýtdınov dál kózdedi. Al matchtyń 89-mınýtynda Ramazan Orazovtyń buryshtama dobynan keıin «Beshıktash» oıynshysy dýbl jasady. Ol áýelete bergen pasty baspen soǵyp,  jeńis golyn syılady. Qorytyndy esep —  2:1.

Bahtıer Zaınýtdınovtyń eki doby oǵan Rýslan Baltıevti (13 gol) basyp ozyp, 14 golmen Qazaqstan quramasynyń tarıhyndaǵy úzdik surmergen ataǵyna jetkizdi.

8-týrdan keıin Qazaqstan quramasynda H tobyndaǵy týrnırlik kestesinde 15 upaı bar.

Komanda kelesi matyn 17 qarashada Astanada San-Marıno komandasyna qarsy ótkizedi. Al Eýroǵa sońǵy irikteý oıyny 21 qarashaǵa josparlanǵan. Onda Qazaqstan quramasy qonaqta Slovenııa quramasymen kezdesedi.

Fınlıandııa – Qazaqstan – 1:2 (1:0)

Goldar: Teılor 28 – Zaınýtdınov 77, 89;

Eskertýler: Ivanov 72 – Marochkın 27, Samorodov 79, Qýat 81, Skvorov 90+4, Beısebekov 90+5 (alańnan tys), Orazov 90+5;

Fınlıandııa: Gradekı, Iensen (Ýronen 88), Ivanov, Hoskonen, Kamara, Teılor (Kallman 77), Pýkkı (Forss 77), Hokans, Kaırınen, Alho (Soırı 88), Pohıanpalo;

Qazaqstan: Shakıı, Bystrov (Erlanov 87), Marochkın, Álip, Vorogovskıı, Qaıyrov (Skvorov 86), Beısebekov (Qýat 55), Taǵybergen (Tapalov 86), Zaınýtdınov, Orazov, Samorodov (Aıymbetov 86);

Tóreshiler: Pelto, Ibrısımbegovıch, Beılo (barlyǵy – Bosnııa jáne Geregovına).

17.10.2023. Fınlıandııa, Helsınkı, «Olımpıashtadıon».

FOTO: Qazaqstan fýtbol federaııasy