بەلگىلى جۋرناليست دياس احمەتشارىپ جاڭا قىزمەتكە تاعايىندالدى

بەلگىلى جۋرناليست دياس احمەتشارىپ تۋريزم جانە سپورت ءمينيسترىنىڭ قوعاممەن بايلانىس جانە باق جونىندەگى كەڭەسشىسى قىزمەتىنە تاعايىندالدى. بۇل تۋرالى ۆەدومستۆونىڭ ءباسپاسوز قىزمەتى حابارلادى.

دياس احمەتشارىپ ەڭبەك جولىن 1997 جىلى قازاق راديوسىنىڭ رەپورتەرى بولىپ باستاعان.

ۇزاق جىلدار «حابار» اگەنتتىگى مەن «قازاقستان» تەلەارناسىندا سپورت ءجۋرناليسى بولعان.

«قازسپورت» مەملەكەتتىك تەلەارناسىنىڭ تۇڭعىش ديرەكتورى، Insport تەلەارناسىنىڭ باس رەداكتورى قىزمەتىن اتقارعان.

2003-2007 جىلدارى — سپورت جانە تۋريزم ىستەرى اگەنتتىگىنىڭ ءباسپاسوز قىزمەتىنىڭ باسشىسى، ءباسپاسوز حاتشىسى;

2010 — 2012 جىلدارى– «استانا-سك» كورپوراتيۆتىك قورىنىڭ قوعاممەن بايلانىس دەپارتامەنتىنىڭ ديرەكتورى (سپورتتى قولداۋ قورى);

2012-2013 جىلدارى — سپورت جانە دەنە شىنىقتىرۋ ىستەرى اگەنتتىگى توراعاسىنىڭ كەڭەسشىسى.

وليمپيادا جانە ازيا ويىندارىنىڭ، سپورت تۇرلەرىنەن الەم چەمپيوناتتارىنىڭ سپورت شولۋشىسى جانە قر قۇراماسىنىڭ ءباسپاسوز اتتاشەسى بولعان.

فوتو: تۋريزم جانە سپورت مينيسترلىگى