SportPress.kz قازاقستان سپورت جاڭالىقتارى
تۋريزم جانە سپورت مينيسترلىگى ازيا ويىندارىنىڭ قورىتىندىسى بويىنشا سپورت تۇرلەرى فەدەراتسيالارىنىڭ ەسەبىن تىڭداۋعا كىرىستى. وندا ءبىرىنشى بولىپ گرەك-ريم، ەركىن جانە ايەلدەر كۇرەسى فەدەراتسياسىنىڭ، ودان كەيىن سۋ سپورتى فەدەراتسياسىنىڭ ەسەبى تىڭدالدى، دەپ حابارلادى ۆەدومستۆونىڭ ءباسپاسوز قىزمەتى.
سپورت تۇرلەرى بويىنشا فەدەراتسيالارىنىڭ ەسەبىن تىڭداۋ ودان ءارى جالعاسادى. ال بۇگىنگى جيىندا الدىمەن گرەك-ريم، ەركىن جانە ايەلدەر كۇرەسى فەدەراتسياسىنىڭ وكىلدەرى ەسەپ بەردى.
جيىندا فەدەراتسيانىڭ وكىلدەرى بالۋانداردىڭ ازياداعا دايىندىعى مەن بەلدەسۋلەرى تۋرالى باياندادى.
ەسەپ بەرۋ جيىنىنا گرەك-ريم كۇرەسىنەن باس جاتتىقتىرۋشى يۋري مەلنيچەنكو قاتىسپادى. تۋريزم جانە سپورت ءمينيسترى فەدەراتسيا باسشىلىعىنا وسى ماسەلە بويىنشا ەسكەرتۋ جاساپ، سپورتشىلارىمىزدىڭ ناشار ونەر كورسەتكەنىن اتاپ ءوتتى. ول سپورتشىلاردىڭ ءالسىز فۋنكتسيونالدى جانە فيزيكالىق دايىندىعىنا ەرەكشە توقتالدى.
ءبىرىنشى كەزەڭدە كۇرەسەدى. ال ەكىنشى كەزەڭدە دەمىگىپ قالادى. جەكە دايىندىق باعدارلاماسى جوق. 2024 جىلعى پاريج وليمپياداسىندا مەدالعا ىلىگەدى دەگەن سپورتشىلاردىڭ ءتىزىمىن قۇرىپ، ولارعا تولىققاندى جاعداي جاساۋ قاجەت، — دەدى ەرمەك مارجىقپاەۆ.
بالۋانداردان كەيىن سۋ سپورتى فەدەراتسياسىنىڭ وكىلدەرى ەسەپ بەردى. سۋ دوبىنان ەلىمىزدىڭ ايەلدەر قۇراما كومانداسى قولا مەدالدى الىپ، العا قويعان جوسپاردى ورىنداپ شىقتى.
ەرلەر قۇراماسى – ازيا ويىندارىنىڭ بىرنەشە دۇركىن چەمپيوندارى بولا تۇرا فينالعا شىعا المادى. ولار دا قولا جۇلدەنى قاناعات تۇتتى. ناتيجەسىندە ۆاتەرپولشىلارىمىز ءۇشىنشى ورىن السا دا وليمپياداعا بەرىلەتىن ليتسەنزيادان قۇر قالدى.
باس جاتتىقتىرۋشى دامير تەمىرحانوۆ ازيادا باستالماس بۇرىن كوماندانىڭ قۇرامى جارتىلاي وزگەرگەنىن اتاپ ءوتتى.
كوپتەگەن نەگىزگى ويىنشىلار جاسى كەلگەندىكتەن ۇلتتىق قۇرامادان تىس قالدى. جاستار كەلدى. سول سەبەپتى ىشكى ارا ويىن ورنەگى بۇزىلدى، — دەدى ول.
ەندى ۇلتتىق قۇرامامىز الداعى الەم چەمپيوناتىندا وليمپيادا جولداماسى ءۇشىن تاعى جارىسقا قاتىسادى.
مينيستر سۋدا جۇزۋشىلەر ەسەبىنە قاناعاتتانارلىق باعا بەردى. ازيادادا ەكى مەدال الۋ جوسپارى ورىندالدى. ۇلتتىق قۇرامانىڭ باس جاتتىقتىرۋشىسى يليا گۋساكوۆ الداعى ماۋسىمعا ارنالعان باعدارلاماسىن ايتىپ، جوسپارىن ۇسىندى. ول كوماندا مۇشەلەرىنىڭ ورتاشا جاسى 16-17 جاس ەكەنىن جانە ولارعا ۇلكەن ءۇمىت ارتاتىنىن اتاپ ءوتتى.
فوتو: تۋريزم جانە سپورت مينيسترلىگى
