Qazaqstan sportshylary tuńǵysh álem chempıony atandy

О́tken aptada elimizdiń bir top sportshysy birneshe elde halyqaralyq jarysqa qatysyp, qurmet tuǵyrynyń eń bıik satysyna kóterildi.

Vengrııanyń astanasy — Býdapeshtte WKF karateden máresine jetken álem chempıonatynda Móldir Jańbyrbaı (50 kg) top jaryp, sporttyń osy túrinen eresekter arasynda álem chempıony atanǵan tuńǵysh qazaq sportshysy atandy. Sonymen qatar Qaısar Alpysbaı (60 kg) álem birinshiliginiń – kúmis, Dıdar Ámiráli qola júldesine ıe boldy.

Sultan Ásetuly Albanııanyń astanasy -Tıranada grek-rım kúresinne ótip jatqan 23 jasqa deıingi balýandar arasynda álem chempıony boldy. Sultan – 23 jasqa deıingi sanatta əlem chempıonaty atanǵan tuńǵysh qazaq balýany. Áıelder kúresinde Altyn Shaǵaeva (53 kg) men Irına Kýzneova (62 kg) qola júldege ıe boldy.

Kanadanyń Monreal qalasynda jalaýy jelbiregen short-trekten Álem kýbogynyń alǵashqy kezeńinde Qazaqstan quramasynyń  sportshylary 5 000 metrge estafeta jarysynda qola júldeger atandy. El quramasynan jarys jolyna Ádil Ǵalıahmetov, Mersaıd Jaqsybaev, Erkebulan Shamuhanov pen Denıs Nıkısha shyqty.

Saýd Arabııasynyń Ar-Rııad qalasynda ótken Dúnıejúzilik jaýyngerlik óner oıyndarynda Qazaqstan quramasy armrestlıngten 7 altyn, 3 kúmis jáne 8 qola medal oljalap, jalpykomandalyq esepte top jardy.

Kamıla Berliqash Ábý-Dabıdegi Grand Slam jarysynda kúmis júldege ıe boldy. Ol fınalda portýgalııalyq Rýshel Nýnespen kúresti.

Ońtústik Koreıanyń Changvon qalasynda ótken XV Azııa chempıonatynda mergen Dıana Sabekova altyn medal aldy. Sondaı-aq skıt baǵdarlamasynda elimizdiń áıelder quramasy – kúmis, erler quramasy qola júldeni jeńip aldy.

Foto: Olympic.kz