SportPress.kz Qazaqstan sport jańalyqtary
Mańǵystaý oblysynyń ákimi N.Noǵaevqa
Qurmetti Nurlan Asqaruly!
Mańǵystaý oblysy Aqtaý qalasyna sporttyq mektep-ınternat-kolledji qashan salynady? Mańǵystaýlyq jattyqtyrýshylar men sportshylardyń kútkenine 31 jyl boldy. Taǵy qansha jyl kútemiz?
Mańǵystaýdyń ul-qyzdary Olımpıadalyq rezerviniń respýblıkalyq mamandandyrylǵan mektep-ınternat-kolledjinde qashan oqıdy?
Oblys pen qala jáne aýdan ákimderi: «Álem jáne Azııa chempıony atanǵan sportshyǵa bir japyraq alǵys hatpen shyǵaryp salady». Odan qalsa, Mańǵystaý oblysynyń dene shynyqtyrý jáne sport basqarmasynyń qyzmetkerleri biraz jyldan beri «Jas Qanat» sport kesheniniń ekinshi qabatynda jumys isteıdi. Astyńǵy qabatynda balalarǵa arnalǵan fýtbol, taekvondo, kúres, boks úıirmesi jáne «Kaspıı» fýtbol klýby bar. Aımaq basshysy Nurlan Noǵaev oblystyq sport basqarmasyna eki qabatty keńseni qashan salyp beredi?
Úsh apta buryn memleket basshysy Qasym-Jomart Toqaev Azııa oıyndarynyń júldegerlerin qabyldap, sportshylardy quttyqtady. Prezıdent sportshylardyń rezervin daıarlaý máselesine arnaıy toqtalyp, Úkimet pen ákimderge daryndy ári bolashaǵynan zor úmit kúttiretin atletterge qolaıly jaǵdaı jasaýǵa tıis ekenin aıtty.
Qytaıda ótken HIH Azııa oıyndarynda 527 atlet 30 sport túrinen el namysyn qorǵap, 10 altyn, 22 kúmis, 48 qola medal ıelendi. Qurylyq birinshiliginde Mańǵystaý oblysynan 11 sportshy 8 túrinen qatysyp, Bıbisara Asaýbaeva ǵana qola medal aldy. Ol shahmattan Qazaqstan áıelder qurama sapynda Jansaıa Ábdimálik, Alýa Nurmanova, Merýert Kamalıdenova, Dınara Sádýaqasovamen óner kórsetip, О́zbekstan quramasyn 3:1 esebimen jeńip, úshinshi orynǵa ıe boldy. Bul jaqsy kórsetkish deı almaımyn.
Al qazaq kúresten álem jáne Azııa chempıony, belbeý kúresinen álem chempıony Nurdáýlet Jarylǵapov, djıý-djıtsýdan álem jáne eki dúrkin Azııa chempıony, Azııa oıyndarynyń tuńǵysh chempıony Darhan Nortaev pen shahmattan eki dúrkin álem jáne Azııa chempıony Bıbisara Asaýbaeva el úmitin aqtamady. Qos-qostap álem jáne Azııa chempıony atanǵan Mańǵystaýdyń juldyzdy sportshylary Aspan asty elinde nege altyn medal ala almady?
Mańǵystaý oblysynyń sport basqarmasyna jylyna 8 mıllıard teńge bólinedi. Toǵyz aı qalǵan Parıj Olımpıadasyna Mańǵystaýdan birde-bir sportshy áli kúnge deıin lıenzııa almaǵan. Sonda basqarma basshysy men federaııa prezıdentteri aı qarap otyr ma? Bir kezderi boksshy Ádilbek Nııazymbetov eki márte Olımpıadaǵa qatysyp, eki ret kúmis medal alǵan edi. Karerasyn aıaqtaǵan Nııazymbetovke boksqa qaıtadan kel deımiz be? Ne istemiz?!…
Aıbek MUHANOV,
Qazaqstan Jýrnalıster odaǵynyń múshesi
Mańǵystaý oblysy Aqtaý qalasy
