دوپينگ داۋى: نورا دجەرۋتونىڭ كىناسى جوق

بيىل ءساۋىر ايىندا دوپينگ قولداندى دەپ ايىپتىلىپ، بارلىق جارىستاردان شەتتەتىلگەن جەڭىل اتلەت نورا دجەرۋتونىڭ كىناسى جوق ەكەندىگى دالەلدەندى.

ءساۋىر ايىندا نورا دجەرۋتو جەڭىل اتلەتيكانىڭ دوپينگكە قارسى ەرەجەلەرىنە نەمەسە ادالدىق كودەكسىنە سايكەس وتەتىن تىڭداۋدا سوڭعى شەشىم قابىلدانعانعا دەيىن كەز كەلگەن جارىستان ۋاقىتشا شەتتەتىلگەن ەدى. ەگەر ونىڭ دوپينگ قولدانعانى راستالسا، ول الەم چەمپيوناتىنىڭ التىن جۇلدەسىن قايتارىپ بەرەتىن بولعان. الايدا، ونىڭ دوپينگ قولدانباعانى راستالدى. ەندى ول 2022 جىلى ەلىمىز تاريحىندا العاش رەت جەڭىپ العان الەم چەمپيونى اتاعىن وزىندە قالدىرادى.

نورا دجەرۋتو كەنيانىڭ تۋماسى. ونىڭ تولىق اتى-ءجونى – نورا دجەرۋتو تانۋي. ول 1995 جىلى 2 قازاندا كەنيا رەسپۋبليكاسىنىڭ كويباتەك وكرۋگىندە فەرمەرلەر وتباسىندا تۋعان. سپورتشى 3 مىڭ مەترگە كەدەرگىلەر ارقىلى جۇگىرۋگە ماشىقتانعان. 2018 جىلى قازاقستان ازاماتتىعىن العان.

جەڭىل اتلەت شىعىس قازاقستان وبلىسى اتىنان ەلىشىلىك جارىستارعا قاتىسادى.

داستان كەنجالين،

استانا

فوتو: Carmen Mandato