Dopıng daýy: Nora Djerýtonyń kinási joq

Bıyl sáýir aıynda dopıng qoldandy dep aıyptylyp, barlyq jarystardan shettetilgen jeńil atlet Nora Djerýtonyń kinási joq ekendigi dáleldendi.

Sáýir aıynda Nora Djerýto jeńil atletıkanyń dopıngke qarsy erejelerine nemese adaldyq kodeksine sáıkes ótetin tyńdaýda sońǵy sheshim qabyldanǵanǵa deıin kez kelgen jarystan ýaqytsha shettetilgen edi. Eger onyń dopıng qoldanǵany rastalsa, ol álem chempıonatynyń altyn júldesin qaıtaryp beretyn bolǵan. Alaıda, onyń dopıng qoldanbaǵany rastaldy. Endi ol 2022 jyly elimiz tarıhynda alǵash ret jeńip alǵan álem chempıony ataǵyn ózinde qaldyrady.

Nora Djerýto Kenııanyń týmasy. Onyń tolyq aty-jóni – Nora Djerýto Tanýı. Ol 1995 jyly 2 qazanda Kenııa Respýblıkasynyń Koıbatek okrýginde fermerler otbasynda týǵan. Sportshy 3 myń metrge kedergiler arqyly júgirýge mashyqtanǵan. 2018 jyly Qazaqstan azamattyǵyn alǵan.

Jeńil atlet Shyǵys Qazaqstan oblysy atynan elishilik jarystarǵa qatysady.

Dastan KENJALIN,

ASTANA

FOTO: Carmen Mandato