SportPress.kz Qazaqstan sport jańalyqtary
Memleket basshysynyń tapsyrmasy boıynsha Týrızm jáne sport mınıstrligi Azııa oıyndarynyń qorytyndysy boıynsha federaııalardyń esebin tyńdaýdy jalǵastyrdy.
Bul joly eskek esý, jeńil atletıka jáne sadaq atý federaııalarynyń basshylyǵy baıandama jasady. Sport fýnkıonerleri quramanyń Azııa oıyndaryndaǵy jarystarǵa toqtalyp, qalyptasqan jaǵdaı týraly baıandady.
Hanchjoýdaǵy Azııa oıyndarynda akademııalyq eskek esý boıynsha Qazaqstan quramasy júldegerler qatarynan kórine almasa da, baıdarka men kanoede eskek esý boıynsha 1 altyn, 4 kúmis jáne 3 qola júldeni jeńip aldy.
Týrızm jáne sport mınıstri Ermek Marjyqpaev akademııalyq eskek esý boıynsha ulttyq quramanyń Azıadadaǵy nátıjesine kóńili tomaıtynyn jetkizdi. О́ıtkeni, Azııa oıyndarynyń qarsańynda eskek esýshilerge zor senim artylyp, el qorjynyna altyn júlde salady dep kútilgen edi. Sondaı-aq, mınıstr sportshylardyń fýnkıonaldyq jáne dene daıarlyǵy álsiz ekenin aıtyp, quramanyń ishki tártibin saqtamaǵandarǵa eskertý jasady.
Ekinshi bolyp jeńil atletıka federaııasynyń ókilderi baıandama jasady. Bıylǵy Azııa oıyndarynda jeńil atletter tórt qola júldege ıe bolyp, jalpykomandalyq esepte 16-orynǵa turaqtady. Osydan 4 jyl buryn Indonezııanyń Jakarta qalasynda ótken sary qurlyq dodasynda otandastarymyz 8-orynnan kóringen edi.
Parıjdegi tórt jyldyqtyń basty dodasyna nebári 8 aı qaldy. Qazirgi tańda bizge naqty jospar men yntymaqtastyqta jumys isteý qajet. Federaııalarǵa ulttyq quramanyń rezervin qalyptastyrý jóninde jumysty kúsheıtýdi tapsyramyn. Bas jattyqtyrýshylarmen birlesip Parıj Olımpıadasyna deıin komanda kóshbasshylaryn jeke daıarlaýdyń josparyn daıyndaý kerek, – dep atap ótti vedomstvo basshysy.
Jeńil atletterden keıin sadaq atý ókilderi esep berdi. Federaııa basshylyǵy ózderine alǵan mindettemelerine qaramastan, mergenderimiz birde-bir baǵdarlama boıynsha júldeli oryndardan kórine alǵan joq.
Jıyn qorytyndysynda mınıstr sadaq atý federaııasynyń Azııadadaǵy jarysyna qanaǵattanarlyqsyz degen baǵa berdi. Eskek esý jáne sadaq atý sporty boıynsha Azıadada júldeli oryndarǵa ıe bolý jospary oryndalǵan joq. Al jeńil atletterdiń nátıjelerin áli de jaqstartý qajet. Ermek Marjyqpaev ótken jarystardyń nátıjelerine tereń taldaý júrgizýdi jáne sportshylardy aldaǵy Parıj Olımpıadasyna tyńǵylyqty daıyndaý úshin jetekshi mamandardy tartý máselesin pysyqtaýdy tapsyrdy.
Týrızm jáne sport mınıstrligi
FOTO: Týrızm jáne sport mınıstrligi
