QPL-2024: kelesi maýsymǵa qatysatyn klýbtar belgili boldy

Fýtboldan 2024 jyly Qazaqstan premer lıgasyna qatysatyn komandalar belgili boldy. Bıyl QPL-da oınaǵan klýbtarǵa birinshi lıgada alǵashqy úsh oryndy alǵan klýbtar qosyldy.

Sonymen myna komandalar Qazaqstan premer lıgasynnyń kelesi maýsymynda oınaıtyn bolady:

1.«Ordabasy» (Shymkent)

2.«Astana»

3.«Aqtóbe»

4.«Qaırat» (Almaty)

5.«Qyzyljar» (Petropavl)

6.«Qaısar» (Qyzylorda)

7.«Atyraý»

8.«Tobyl» (Qostanaı)

9.«Maqtaaral» (Túrkistan oblysy)

10.«Shahter» (Qaraǵandy)

11.«Jetisý» (Taldyqorǵan)

12.«Elimaı» (Semeı)

13.«Turan» (Túrkistan)

14.«Jeńis» (Astana)

Osy maýsymnyń sońynda «Oqjetpes» (Kókshetaý), «Kaspıı» (Aqtaý) men «Aqsý» (Pavlodar) QPL-da sońǵy úsh oryndy alyp, birinshi lıgaǵa túsip qaldy. Birinshi lıgadan «Elimaı» (Semeı), «Turan» (Túrkistan) men Astananyń «Jeńis» klýby keldi. Túrkistannyń komandasy QPL-ǵa bir jyldan keıin qaıtyp shyqty.

«Jeńis» «Astana» degen atpen sońǵy ret joǵarǵy lıgada 2008 jyly oınady. Bul klýbtyń aty birneshe ret ózgerdi. 2006 jyly «Astana» bolyp ózgerip, 2009 jyly «Lokomotıv» bolyp quryldy.

2010 jyly «Lokomotıv» jyldyń sońynda atyn «Astana» bolyp ózgertti. Al burynǵy «Jeńis» 2009 jyly birinshi lıgada «Namys» degen atpen oınap, 2010 jyly onyń aty «Astana» bolyp ózgerdi.  Sóıtip, birinshi lıgadaǵy «Astana», ıaǵnı «Jeńis» klýbynyń jalǵasy bolyp esepteletin klýb bir qalada eki «Astana» komandasy dep narazylyq bildirdi. Odan keıin birinshi lıgadaǵy «Astana» atyn «Astana-1964» klýby dep ózgertti.  Al «Lokomotıvtiń» ornyna qurylǵan «Astana» joǵarǵy lıgada oınady.

Birinshi lıgadaǵy «Astana-1964» komandasy 1964 jyly elınogradta qurylǵan. Sol kezde «Dınamo» klýby quryldy. Ol komanda 1975 jyldan bastap «elınnık» bolyp ataldy. 1994-1995 jyldary «esna» boldy. 1996 jyly qaıtadan «ellınık» bolyp atyn ózgertti. 1997 jyly jyldyń ortasynda «Astana» bolyp quryldy. 1999 jyly «Jeńis» komandasy bolyp jasyl alańǵa shyqty.

Komanda kezinde KSRO-nyń ekinshi lıgasynda oınaǵan. Qazaq KSR kýbogyn 1968 jáne 1986 jyldary jeńip alǵan. 1973 pen 1985 jyldary Qazaq KSR kýbogynyń fınalısi bolǵan.

Bul klýbta 1955 – 1960 jyldary Qazaq KSR-i Joǵarǵy Keńesi tóralqasynyń tóraǵasy, 1960 – 1961 jyldary Qazaq KSR-i Mınıstrler Keńesiniń tóraǵasy bolǵan memleket jáne qoǵam qaıratkeri Jumabek Táshenevtiń nemere inisi, Aqmola oblysynyń Astrahan aýdanynyń týmasy Sálim Tashenev oınaǵan. Ol 1980 – 1996 jyldary «elınnık» komandasynda dop tepken. Kózkórgenderdiń aıtýynsha, ol klýbtyń ańyzy edi.

Sálim Táshenev 1956 jyly týǵan. 2007 jyly qaıtys boldy.

2014 jyly «Astana-1964» dep atalǵan klýb taratyldy. Klýb 2021 jyly qaıta jandandy. «Jeńis» — Qazaqstannyń úsh dúrkin chempıony.

2003 jyly «Jeńiste» Qazaqstan ulttyq qurama klmandasynyń bas jattyqtyrýshysy Magomed Adıev oınaǵan.

Semeılik klýb QPL-da sońǵy ret 2014 jyly «Spartak» degen atpen oınaǵan (2015 jyly jabylǵan). Qazirgi «Elimaı» zańdy túrde 1990 jyldary Qazaqstan chempıonatyn úsh ret jeńip alǵan (1994, 1995, 1998) «Elimaıdyń» murageri emes.

Qazaqstan chempıonaty 1992 jyldan beri ótkizilip keledi. Sol kezden beri «Astana» klýby chempıonatty 2014 pen 2019 jyldary jáne 2022 jyly 7 ret jeńip alǵan. Pavlodardyń «Ertis» klýby (1993, 1997, 1999, 2002, 2003) men «Aqtóbe» (2005, 2007, 2008, 2009, 2013) bes ret, Almatynyń «Qaırat» komandasy (1992, 2004, 2020), Semeıdiń «Elimaıy» (1994, 1995, 1998) men Astananyń «Jeńis» jasaǵy (2000, 2001, «Astana», 2006) úsh ret, «Qostanaıdyń «Tobyly» (2010, 2021) men Qaraǵandynyń «Shahter» klýby (2011, 2012) eki ret jeńip alsa, 1996 jyly «Taraz» bir ret chempıon bolǵan. Al bıyl Shymkenttiń «Ordabasy» komandasy alǵash ret Qazaqstan chempıony atandy.

Bıylǵy maýsymda Almatynyń «Qaırat» klýbynyń oınyshysy Joao Paýlo  chempıonattyń bombardıri boldy. Ol 26 machta 17 doptyń avtory atanyp, Evstafıı Pehlevanıdiń júldesin aldy.

4 qarashada «Astana Arena» stadıonynda Qazaqstan kýbogynyń fınaly bolady. Bul matchta Shymkenttiń «Ordabasy» men Qostanaıdyń «Tobyl» komandalary kezdesedi.

Qazaqstan premer lıgasynda (QPL) 14 komanda oınaıdy. Ár maýsymnyń sońynda eń tómengi oryn alǵan úsh komanda birinshi lıgaǵa ketedi. Olardyń ornyn ol jaqtaǵy eń joǵarǵy oryn alǵan úsh komanda keledi. 2008 jyldan bastap qosalqy quramdar týrnıri ótkizilýde.

 

Dastan KENJALIN,

ASTANA

FOTO: Instagram/fc__ordabasy