SportPress.kz قازاقستان سپورت جاڭالىقتارى
فۋتبولدان 2034 جىلعى الەم چەمپيوناتىنىڭ قاي مەملەكەتتە بولاتىنى انىقتالدى. ول ساۋد ارابياسى كورولدىگىندە بولادى. فيفا پرەزيدەنتى دجانني ينفانتينو 2034 جىلى وتەتىن الەم چەمپيوناتىنىڭ اۆستراليانىڭ سايلاۋعا قاتىسۋدان باس تارتقانىنا بايلانىستى اراب تۇبەگىندەگى مەملەكەتتە بولاتىنىن ايتتى.
حالىقارالىق فۋتبول فەدەراتسياسىنىڭ (فيفا) پرەزيدەنتى دجانني ينفانتينونىڭ ايتۋىنشا، اۆستراليا ءوزىنىڭ ءوتىنىمىن العاننان كەيىن ساۋد ارابياسى الەمدىك دودانى وتكىزۋگە ۇمىتكەر جالعىز ەل بولىپ قالعان.
ەسكە سالساق، 2026 جىلعى الەم چەمپيوناتى سولتۇستىك امەريكانىڭ كانادا، مەكسيكا جانە اقش ەلدەرىندە بولادى. ودان كەيىن 2030 جىلعى مۋنديال افريكانىڭ ماروككو، ەۋروپانىڭ پورتۋگاليا مەن يسپانيا جانە وڭتۇستىك امەريكانىڭ ارگەنتينا، پاراگۆاي مەن ۋرۋگۆاي مەملەكەتتەرىندە وتەدى. وڭتۇستىك امەريكادا ءۇش ماتچ عانا بولادى.
ساۋد ارابياسى ازيا قۇرلىعىندا الەم چەمپيوناتىن ۇيىمىداستىراتىن ءتورتىنشى ەل بولعالى تۇر. بۇعان دەيىن مۋنديالدى 2002 جىلى جاپونيا مەن كورەيا بىرىگىپ وتكىزسە، 2022 جىلى الەم چەمپيوناتى كاتاردا بولعان ەدى.
داستان كەنجالين،
استانا
فوتو: دميتري گولۋبوۆيچ
