Fýtboldan 2034 jylǵy álem chempıonatynyń qaı elde bolatyny anyqtaldy

Fýtboldan 2034 jylǵy álem chempıonatynyń qaı memlekette bolatyny anyqtaldy. Ol Saýd Arabııasy Koroldiginde bolady. FIFA prezıdenti Djannı Infantıno 2034 jyly ótetin álem chempıonatynyń Avstralııanyń saılaýǵa qatysýdan bas tartqanyna baılanysty Arab túbegindegi memlekette bolatynyn aıtty.

Halyqaralyq fýtbol federaııasynyń (FIFA) prezıdenti Djannı Infantınonyń aıtýynsha, Avstralııa óziniń ótinimin alǵannan keıin Saýd Arabııasy álemdik dodany ótkizýge úmitker jalǵyz el bolyp qalǵan.

Eske salsaq, 2026 jylǵy álem chempıonaty Soltústik Amerıkanyń Kanada, Meksıka jáne AQSh elderinde bolady. Odan keıin 2030 jylǵy mýndıal Afrıkanyń Marokko,  Eýropanyń Portýgalııa men Ispanııa jáne  Ońtústik Amerıkanyń Argentına, Paragvaı men Ýrýgvaı memleketterinde ótedi. Ońtústik Amerıkada úsh match ǵana bolady.

Saýd Arabııasy Azııa qurlyǵynda álem chempıonatyn uıymydastyratyn tórtinshi el bolǵaly tur. Buǵan deıin mýndıaldy 2002 jyly Japonııa men Koreıa birigip ótkizse, 2022 jyly álem chempıonaty Katarda bolǵan edi.

Dastan KENJALIN,

ASTANA

FOTO:  Dmıtrıı Golýbovıch