Erenǵaıyp Qýataıuly — alty meıjor júgirgen jýrnalıst (FOTO)

AQSh-tyń Nıý-Iork qalasynda altynshy meıjor marafon boldy. Oǵan álemniń túkpir-túkpirinen kelgen jelaıaqtarmen birge jýrnalıst Erenǵaıyp Qýataıuly ta qatysty.

Osy jarysta ol alty meıjor marafondy sub 3, ıaǵnı úsh saǵat ishinde júgirgen alǵashqy qazaqstandyq atandy.

Alty meıjor marafon degenimiz Boston, Chıkago, Nıý-Iork, London, Berlın jáne Tokıo marafondary. Álemde eń tanymal talaby da bıik marafon. Sab 3 degen aǵylshynnyń sub 3 degeni.  Iaǵnı, ol úsh saǵattan asyrmaı fınıshke jetý degen sóz.

О́tken jyly sáýirde bastalǵan alty meıjor joryǵy osymen támam. Amerıka Qurama Shtattarynda bastaý alǵan alty alaman bir jarym jyldan keıin AQSh-ta óz máresine jetti. 6 majors & sub 3 josparym sátti júzege asty. Alty meıjor marafon (Boston, Chıkago, Nıý-Iork, London, Berlın jáne Tokıo) júgirgen segizinshi qazaqstandyq baqyty buıyrypty. Degenmen nátıje boıynsha barlyq alty meıjor marafondy sub 3, ıakı úsh saǵat ishinde júgirgen alǵashqy qazaqstandyq ekenim 6 meıjorǵa úmitti jerlesterime juǵysty bolsyn!, — dedi jýrnalıst.

Onyń aıtýynsha, Nıý-Iork marafony ońaı bolmady.

Aı buryn bar kúshimizdi Berlınge berip kelgen bizge óri men kópiri kóp Nıý-Iork ońaı bolmady…

51 000 marafonshyny tań alakeýimde Staten-Aılend aralyna arnaıy avtobýspen alyp keldi. Ataqty Verrazano kópiri aýzy-murnyna toldy. Staten-Aılend, Brýklın, Kýıns, Bronks, Manhetten syndy bes qalashyqty azan-qazan qylǵan marafonshylar ortalyq saıabaqqa kelip bir-aq tizgin tartty.

Oq atylysymen jolymyz birden órge ulasty. Verrazano kópirin órleı júgirdik. Nıý-Iorktyń eń uzyn kópiri entiktirip, betti qaıtarǵysy keletindeı. Bul joly emoııany emes taktıkany tańdaǵanym qandaı jaqsy bolǵan… Dúbirge ilespedim. Dúrmekke ermedim. Aptyqpaı. Alypushpaı. Bappen. Baısaldy bastadym.

Pýblıkanyń qoldaýyn aýyzben aıtyp jetkizý múmkin emes.  Nıý-Iork kóshesinde jappaı shoý bolyp jatyr. Bıshi de, ánshi de, orkestr de osynda. Konert tamashalap, 32 shaqyrym qalaı artta qalǵanyn baıqamaı da qalyppyn. Qalǵan 10 km on túrli oıǵa bólep, sanaǵa san túrli oı syılady! 2:52 nátıjesimen fınıshke jettim! Árıne, bul meniń rekordym emes, biraq nátıjege kóńil tolady. Álbette bir jylda tórt marafon júgirý fızıkalyq turǵyda aýyr. Adam at emes. Attyń ózi zoryǵady. Az kún tynyǵyp alyp, krossovkıdi qaıta kıetinimiz anyq, — dedi marafonshy.

Osy rette Erenǵaıyp Qýataıuly jattyqtyrýshysy Mıhaıl Krasılovqa, ózine qoldaý kórsetken Young runner klýbyna, barlyq jaqyndary men dos-jarandaryna alǵys aıtty.

Meni qoldap, Amerıkaǵa arnaıy kelgen qazaqtyń klassık jazýshysy Nurjan Qýantaıuly aǵama myń alǵys!

Klýbtasym Sergeı Apenkony alty meıjordy sátti aıaqtaǵanymen jáne Nıý-Iork marafonynda 60-64 jas kategorııasy boıynsha júldeli birinshi orynymen shyn júrekten quttyqtaımyn! Bul — men úshin, bizdiń klýb úshin ǵana emes tutas Qazaqstan úshin zor maqtanysh!, — dedi ol.

Sonymen marafonshynyń aıtýynsha, bıylǵy júgirý maýsymy aıaqtaldy. Endi ony taǵy 2024 jylda qaıtalanbas emoııaǵa toly sátter kútip tur.

Eske salsaq, jýrnalıst Erenǵaıyp Qýataıuly Boston marafonynda márege 2 saǵat 58 sekýndta jetken. Odan keıin Tokıoda 2:54, Londonda 2:53, Chıkagoda 2:51, Berlınde 2:50 nátıje kórsetken. Endi mine, Nıý-Iorkte bolǵan marafonda fınıshke 2 saǵat 52 mınýtta jetti. Sóıtip, ol alty meıjor marafondy sub 3, ıaǵnı úsh saǵat ishinde júgirgen alǵashqy qazaqstandyq atandy.

Biz elde shyǵarmashylyq pen sharýashylyqty qatar alyp júrgen kásipker áriptesimizge aldaǵy ýaqytta da súıinshileıtin jańalyqtary kóp bolsyn dep tileımiz!

 

Dastan KENJALIN,

ASTANA