مەسسي مانسابىن اياقتاۋعا قاتىستى مالىمدەمە جاسادى

ارگەنتينا ۇلتتىق قۇراماسى مەن اقش-تىڭ «ينتەر مايامي» كلۋبىنىڭ شابۋىلشىسى ، الەم چەمپيونى ليونەل مەسسي مانسابىن قاشان اياقتايتىنىن ايتتى.

مەن بۇرىن دا ايتقانمىن، قازىردە ايتامىن، مەن بۇگىنگى كۇنمەن ءومىر سۇرگىم كەلەدى. بولاشاعىما قۇمالاق اشپايمىن. فيزيكالىق تۇرعىدا قازىر مەندە ءبارى جاقسى. ءالى قانشا وينايتىنىمدى ناقتى ايتا المايمىن. مۇرشام كەلمەيتىنىن تۇسىنگەنشە الاڭعا شىعا بەرەمىن، — دەدى مەسسي Marca اقپارات قۇرالىنا.

بۇعان دەيىن دە مەسسي ازىرشە فۋتبولمەن قوشتاسپايتىنىن، ال ازىرشە فۋتبولدان تەك ءلاززات العىسى كەلەتىنىن ايتقان بولاتىن.

شىنىن ايتقاندا، ءالى دە مانسابىمدى اياقتاۋ تۋرالى ويلامايمىن. ماعان جاتتىعۋ جاساپ، الاڭعا شىعىپ، فۋتبول ويناعان ۇنايدى. قاي كەزگە دەيىن وينايتىنىمدى بىلمەيمىن. بىراق كوبىرەك فۋتبول ويناعىم كەلەدى. قازىر ەڭ باستىسى فۋتبولدان ءلاززات العىم كەلەدى، — دەدى ليونەل مەسسي TyC Sports-كە بەرگەن سۇحباتىندا.

ليونەل مەسسي وسى جازدان بەرى اقش-تىڭ «ينتەر مايامي» كلۋبىندا وينايدى.  از عانا ۋاقىتتا ول امەريكالىق كلۋبتىڭ ۇزدىك سۇرمەرگەندەرى ۇشتىگىنە كىردى. ونىڭ «ينتەر ماياميمەن» كەلىسىمشارتى 2025 جىلعا دەيىن جاسالعان.

داستان كەنجالين،

استانا