Messı mansabyn aıaqtaýǵa qatysty málimdeme jasady

Argentına ulttyq quramasy men AQSh-tyń «Inter Maıamı» klýbynyń shabýylshysy , álem chempıony Lıonel Messı mansabyn qashan aıaqtaıtynyn aıtty.

Men buryn da aıtqanmyn, qazirde aıtamyn, men búgingi kúnmen ómir súrgim keledi. Bolashaǵyma qumalaq ashpaımyn. Fızıkalyq turǵyda qazir mende bári jaqsy. Áli qansha oınaıtynymdy naqty aıta almaımyn. Mursham kelmeıtinin túsingenshe alańǵa shyǵa beremin, — dedi Messı Marca aqparat quralyna.

Buǵan deıin de Messı ázirshe fýtbolmen qoshtaspaıtynyn, al ázirshe fýtboldan tek lázzat alǵysy keletinin aıtqan bolatyn.

Shynyn aıtqanda, áli de mansabymdy aıaqtaý týraly oılamaımyn. Maǵan jattyǵý jasap, alańǵa shyǵyp, fýtbol oınaǵan unaıdy. Qaı kezge deıin oınaıtynymdy bilmeımin. Biraq kóbirek fýtbol oınaǵym keledi. Qazir eń bastysy fýtboldan lázzat alǵym keledi, — dedi Lıonel Messı TyC Sports-ke bergen suhbatynda.

Lıonel Messı osy jazdan beri AQSh-tyń «Inter Maıamı» klýbynda oınaıdy.  Az ǵana ýaqytta ol amerıkalyq klýbtyń úzdik surmergenderi úshtigine kirdi. Onyń «Inter Maıamımen» kelisimsharty 2025 jylǵa deıin jasalǵan.

Dastan KENJALIN,

ASTANA