SportPress.kz قازاقستان سپورت جاڭالىقتارى
تۇركىستان قالاسىندا ءوتىپ جاتقان ءىى تۇركى ۋنيۆەرسياداسىندا قازاقستان سپورتشىلارىنىڭ قورجىنى 4 التىن، 1 كۇمىس، 2 قولا مەدالمەن تولىقتى.
اتاپ ايتقاندا، ەركىن كۇرەستەن ەلىمىزدىڭ قۇراماسىنان داۋلەت ەرگەش، سانجار مۇحتار، اكەجان ايتبەك، داۋلەت ءامىرحانوۆ جەڭىس تۇعىرىنان كورىنىپ، التىن مەدال يەگەرى اتاندى.
سانجار دوسجانوۆ كۇمىس جۇلدەنى يەلەنسە، قۋاندىق شالدار مەن ەرسۇلتان ەربولات ۇلى قولا مەدالگە يە بولدى.
ەسكە سالساق، 6 قاراشادا تۇركىستاندا ءىى تۇركى ۋنيۆەرسياداسى باستالدى. ونىڭ اشىلۋ سالتاناتى «كەرۋەن ساراي» كەشەنىندەگى Show arena عيماراتىندا بولدى.
تۇركىستان قالاسىندا ءوتىپ جاتقان تۇركى مەملەكەتتەرى ۇيىمىنىڭ ستۋدەنت سپورتشىلارى اراسىنداعى ءىى تۇركى ۋنيۆەرسياداسىنا تۇركيا، ازەربايجان، وزبەكستان، ماجارستان، قىرعىزستان جانە قازاقستاننان 500-گە جۋىق سپورتشى قاتىسۋدا. ولار شاحمات، ۇستەل تەننيسى، ۆولەيبول، دزيۋدو، فۋتزال، گرەك-ريم كۇرەسى، ەركىن كۇرەس سپورت تۇرلەرى بويىنشا جۇلدەلەردى ساراپقا سالادى. سايىستار OLIMPIC CENTER سپورت كەشەنى مەن ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىندە ءوتىپ جاتىر. تۇركى ۋنيۆەرسياداسى 10 قاراشاعا دەيىن جالعاسادى.
داستان كەنجالين،
استانا
