Túrki ýnıversıadasy: Qazaqtan 4 altyn, 1 kúmis, 2 qola júlde aldy

Túrkistan qalasynda ótip jatqan II Túrki ýnıversıadasynda Qazaqstan sportshylarynyń qorjyny 4 altyn, 1 kúmis, 2 qola medalmen tolyqty.

Atap aıtqanda, Erkin kúresten elimizdiń quramasynan Dáýlet Ergesh, Sanjar Muhtar, Ákejan Aıtbek, Dáýlet Ámirhanov jeńis tuǵyrynan kórinip, altyn medal ıegeri atandy.

Sanjar Dosjanov kúmis júldeni ıelense, Qýandyq Shaldar men Ersultan Erbolatuly qola medalge ıe boldy.

Eske salsaq, 6 qarashada Túrkistanda II Túrki ýnıversıadasy bastaldy. Onyń ashylý saltanaty «Kerýen saraı» keshenindegi Show arena ǵımaratynda boldy.

Túrkistan qalasynda ótip jatqan Túrki memleketteri uıymynyń stýdent sportshylary arasyndaǵy II Túrki ýnıversıadasyna Túrkııa, Ázerbaıjan, О́zbekstan, Majarstan, Qyrǵyzstan jáne Qazaqstannan 500-ge jýyq sportshy qatysýda. Olar shahmat, ústel tennısi, voleıbol, dzıýdo, fýtzal, grek-rım kúresi, erkin kúres sport túrleri boıynsha júldelerdi sarapqa salady. Saıystar OLIMPIC CENTER sport kesheni men Q.A.Iasaýı atyndaǵy halyqaralyq qazaq-túrik ýnıversıtetinde ótip jatyr. Túrki ýnıversıadasy 10 qarashaǵa deıin jalǵasady.

Dastan KENJALIN,

ASTANA