ۇلتتىق قۇراما سان-مارينو جانە سلوۆەنيامەن ماتچتارعا دايىندىقتى باستادى

فۋتبولدان قازاقستان ۇلتتىق قۇراماسى 2024 جىلى ەۋروپا چەمپيوناتىنىڭ ىرىكتەۋ ءتۋرنيرى اياسىندا 17 قاراشادا جانە 21 قاراشادا سان-مارينو مەن سلوۆەنيا قۇراما كوماندالارىمەن بولاتىن ماتچتارعا دايىندىقتى باستادى. وقۋ-جاتتىعۋ جيىنى استانادا بولىپ جاتىر، — دەپ حابارلادى قازاقستان فۋتبول فەدەراتسياسى.

10 قاراشادا ۇلتتىق قۇراما قازاقستان U-21 قۇراماسىمەن باقىلاۋ ويىنىن وتكىزەدى. سودان كەيىن ويىنشىلاردىڭ ناقتى ءتىزىمى انىقتالادى.

جاتتىقتىرۋشىلار شتابىنىڭ شەشىمى بويىنشا ەلحان استانوۆتىڭ ورنىنا «ورداباسى» كلۋبىنان ماكسيم فەدين شاقىرتىلدى. ەرتەڭ جاتتىعۋعا قورعاۋشىلار سەرگەي مالىي، تەمىرلان ەرلانوۆ، قاقپاشى بەككحان شايزادا، باعدات قايىروۆ جاتتىعۋ جۇمىستارىنا ەرتەڭ قوسىلادى.

ابات ايىمبەتوۆ، الەكساندر ماروچكين، تيمۋر دوسماعامبەتوۆ، يسلامبەك قۋات، اسلان داراباەۆ، ابزال بەيسەبەكوۆ، الەكساندر زارۋتسكي، يان ۆوروگوۆسكي، ۆلاديسلاۆ پروكوپەنكو ۋەفا كونفەرەنتسيالار ليگاسىنىڭ ماتچىنان كەيىن قۇرامعا قوسىلادى.

سامات جارىنبەتوۆ جاراقاتىنا بايلانىستى ۇلتتىق قۇراماعا كەلگەن جوق.

شەتەل چەمپيوناتتارىندا وينايتىن باكتيەر زاينۋتدينوۆ، رامازان ورازوۆ، نۇرالى ءالىپ، مارات بىستروۆ، لەۆ سكۆورتسوۆ، الەكساندر زۋەۆ 12-13 قاراشا كۇندەرى قوسىلادى.

ويىنشىلاردىڭ ناقتى ءتىزىمى 10 قاراشادان كەيىن انىقتالادى.

ال ازىرشە قازاقستان قۇراماسىنىڭ باس جاتتىقتىرۋشىسى ماگومەد اديەۆ 2024 جىلعى ەۋروپا چەمپيوناتىنىڭ ىرىكتەۋ تۋرنيرىندە 17 قاراشادا سان-مارينو جانە 20 قاراشادا سلوۆەنيا قۇرامالارىنا قارسى وتەتىن ويىندارعا شاقىرىلاتىن ويىنشىلاردىڭ كەڭەيتىلگەن ءتىزىمىن جاريالادى. تىزىمگە 40 فۋتبولشى قوسىلدى.