تۇركى ۋنيۆەرسياداسىنىڭ چەمپيوندارى انىقتالدى

تۇركىستاندا II تۇركى ۋنيۆەرسياداسى اياقتالدى. ونىڭ جابىلۋ سالتاناتى قوجا-احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىندە بولدى، دەپ حابارلادى Bassport.kz.

ءىس-شاراعا تۇركىستان قالاسىنىڭ اكىمى نۇربول تۇراشبەكوۆ، ۋنيۆەرسياداعا مەملەكەتتەردىڭ دەلەگاتسياسى، ۋنيۆەرسيتەتتىڭ ستۋدەنتتەرى مەن وقىتۋشى-پروفەسسورلارى قاتىستى.

جارىس قورىتىندىسى بويىنشا ۆولەيبولدان ەرلەر مەن ايەلدەر اراسىندا قازاقستان ستۋدەنتتەرى ۇزدىك اتاندى.

فۋتزالدان قىرعىزستان كومانداسى چەمپيون اتاندى. وزبەكستان شاحماتتان باس جۇلدەنى جەڭىپ الدى.

ەركىن كۇرەستەن قازاقستان كقش باستادى. دزيۋدودان وزبەكستان مەن ازەربايجاننىڭ  جاستارى ۇزدىك بولدى. ال گرەك-ريم كۇرەسىندە تۇركيا ەلىنىڭ بالۋاندارى قۇرمەت تۇعىرىنىڭ ەڭ بيىك ساتىسىنا كوتەرىلدى.

ماجارستان قۇراماسى ۇستەل تەننيسىنەن ۇزدىك ناتيجە كورسەتتى.

جابىلۋ سالتاناتىندا قىرعىزستان ەلىنە تۇركى ۋنيۆەرسياداسىنىڭ تۋى تاپسىرىلدى.

بيىلعى ۋنيۆەرسياداعا قازاقستان، تۇركيا، ازەربايجان، وزبەكستان، قىرعىزستان جانە ماجارستاننان بارلىعى 450-گە جۋىق سپورتشى قاتىستى.

سپورتشىلار سپورتتىڭ 7 تۇرىنەن اتاپ ايتقاندا، ۇستەل تەننيسى، شاحمات، ۆولەيبول، فۋتزال، دزيۋدو، ەركىن كۇرەس، گرەك-ريم كۇرەسىنەن كۇش سىناستى.

سپورتتىق ويىندار Olympic سenter سپورت كەشەنى مەن قوجا-احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ بازاسىندا بولدى.