SportPress.kz Qazaqstan sport jańalyqtary
Túrkistanda II Túrki ýnıversıadasy aıaqtaldy. Onyń jabylý saltanaty Qoja-Ahmet Iasaýı atyndaǵy Halyqaralyq qazaq-túrik ýnıversıtetinde boldy, dep habarlady Bassport.kz.
Is-sharaǵa Túrkistan qalasynyń ákimi Nurbol Turashbekov, ýnıversıadaǵa memleketterdiń delegaııasy, ýnıversıtettiń stýdentteri men oqytýshy-professorlary qatysty.
Jarys qorytyndysy boıynsha voleıboldan erler men áıelder arasynda Qazaqstan stýdentteri úzdik atandy.
Fýtzaldan Qyrǵyzstan komandasy chempıon atandy. О́zbekstan shahmattan bas júldeni jeńip aldy.
Erkin kúresten Qazaqstan kqsh bastady. Dzıýdodan О́zbekstan men Ázerbaıjannyń jastary úzdik boldy. Al grek-rım kúresinde Túrkııa eliniń balýandary qurmet tuǵyrynyń eń bıik satysyna kóterildi.
Majarstan quramasy ústel tennısinen úzdik nátıje kórsetti.
Jabylý saltanatynda Qyrǵyzstan eline Túrki ýnıversıadasynyń týy tapsyryldy.
Bıylǵy ýnıversıadaǵa Qazaqstan, Túrkııa, Ázerbaıjan, О́zbekstan, Qyrǵyzstan jáne Majarstannan barlyǵy 450-ge jýyq sportshy qatysty.
Sportshylar sporttyń 7 túrinen atap aıtqanda, ústel tennısi, shahmat, voleıbol, fýtzal, dzıýdo, erkin kúres, grek-rım kúresinen kúsh synasty.
Sporttyq oıyndar Olympic Senter sport kesheni men Qoja-Ahmet Iasaýı atyndaǵy Halyqaralyq qazaq-túrik ýnıversıtetiniń bazasynda boldy.
