SportPress.kz قازاقستان سپورت جاڭالىقتارى
بۇگىن استانادا اسىق اتۋدان «جىل ۇزدىگى-2023» اتاعىنىڭ يەگەرى انىقتالادى.
ۇلتتىق سپورتىمىزدى ۇلىقتاپ جۇرگەن اسىقشىلاردى ماراپاتتۋ ءراسىمىن اسىق اتۋ فەدەراتسياسى ۇيىمداستىرادى. سالتاناتتى ءىس-شارا Rixos President قوناق ۇيىندە بولادى، دەپ حابارلادى اسىق اتۋ فەدەراتسياسى.
ءىس-شاراعا تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى ەربول مىرزابوسىنوۆ، استانا قالاسى دەنە شىنىقتىرۋ جانە سپورت باسقارماسىنىڭ باسشىسى سامات جىلقىباەۆ، ۇلتتىق سپورت تۇرلەرى قاۋىمداستىعىنىڭ توراعاسى يسلامبەك سالجانوۆ، اسىق اتۋ فەدەراتسياسىنىڭ پرەزيدەنتى اسلان سۇلتانوۆ پەن باسقا دا ۇلتتىق ويىنىمىزدى دامىتۋدىڭ باسى-قاسىندا جۇرگەن ازاماتتار قاتىسىپ، جۇزدەن جۇيرىك شىققان ۇزدىكتەرگە جۇلدەلەرىن تابىس ەتەدى، — دەدى اسىق اتۋ فەدەراتسياسىنىڭ ءباسپاسوز قىزمەتىنىڭ جەتەكشىسى مۇساعالي تاسقاليەۆ.
قازىر استانا قالاسىنداعى «اسپان» سپورت كەشەنىندە اسىق اتۋ سپورتىنان گران-پري «ازيا اسىعى» حالىقارالىق ءتۋرنيرى بولىپ جاتىر. ەلىمىزدىڭ تاۋەلسىزدىك كۇنىنە ارنالعان تۋرنيرگە پاكىستان، ءۇندىستان، قىتاي، موڭعوليا، وزبەكستان، قىرعىزستان جانە قازاقستان قۇرامالارى ءوزارا قاتىسۋدا. جارىس جەكەلەي سىندا وتەتىن بولعاندىقتان ناعىز ۇزدىكتەر باس قوسىپ، ەرلەر مەن ايەلدەر اراسىندا كىم مىقتىنى انىقتايدى.
