Búgin asyq atýdan «Jyl úzdigi-2023» ataǵynyń ıegeri anyqtalady

Búgin Astanada asyq atýdan «Jyl úzdigi-2023» ataǵynyń ıegeri anyqtalady.

Ulttyq sportymyzdy ulyqtap júrgen asyqshylardy marapattý rásimin Asyq atý federaııasy uıymdastyrady. Saltanatty is-shara Rixos President qonaq úıinde bolady, dep habarlady Asyq atý federaııasy.

Is-sharaǵa Týrızm jáne sport mınıstrligi Sport jáne dene shynyqtyrý isteri komıtetiniń tóraǵasy Erbol Myrzabosynov, Astana qalasy dene shynyqtyrý jáne sport basqarmasynyń basshysy Samat Jylqybaev, Ulttyq sport túrleri qaýymdastyǵynyń tóraǵasy Islambek Saljanov, Asyq atý federaııasynyń prezıdenti Aslan Sultanov pen basqa da ulttyq oıynymyzdy damytýdyń basy-qasynda júrgen azamattar qatysyp, júzden júırik shyqqan úzdikterge júldelerin tabys etedi, — dedi Asyq atý federaııasynyń baspasóz qyzmetiniń jetekshisi Musaǵalı Tasqalıev.

Qazir Astana qalasyndaǵy «Aspan» sport kesheninde Asyq atý sportynan Gran-Prı «Azııa asyǵy» halyqaralyq týrnıri bolyp jatyr. Elimizdiń Táýelsizdik kúnine arnalǵan týrnırge Pákistan, Úndistan, Qytaı, Mońǵolııa, О́zbekstan, Qyrǵyzstan jáne Qazaqstan quramalary ózara qatysýda. Jarys jekeleı synda ótetin bolǵandyqtan naǵyz úzdikter bas qosyp, erler men áıelder arasynda kim myqtyny anyqtaıdy.