زاماناۋي بي ەلىمىزگە تانىمال بولىپ كەلەدى

الماتىنىڭ ەڭ ادەمى ورىندارىنىڭ ءبىرى – «سۇڭقار» مەيرامحاناسىندا جۋرناليستەر مەن بلوگەرلەرگە ارنالعان پرەزەنتاتسيالىق ءباسپاسوز كونفەرەنتسياسى ءوتتى.

قوناقتاردىڭ سۇراقتارىنا تۋرنير ۇيىمداستىرۋشىلارى مارات ياگفاروۆ («Funky Dance» بي ورتالىعىنىڭ نەگىزىن قالاۋشى) جانە الەكساندر كۋچۋرا (Gorilla Energy كومپانياسىنىڭ ورتالىق ازياداعى سپورت جانە ءىس-شارالار ءبولىمىنىڭ باسشىسى)، سونداي-اق تورەشىلەر Henry Link (ستيلدەر شايقاسىنىڭ باس سۋدياسى، اقش)، Fabbreezy (Hip-hop، فرانتسيا نوميناتسياسىنىڭ سۋدياسى)، Bruiser تورەشىلەرى (krump نوميناتسياسىنىڭ سۋدياسى، اقش)، Greenteck (popping نوميناتسياسىنىڭ سۋدياسى، كانادا) جانە Zooty Zoot (breaking نوميناتسياسىنىڭ سۋدياسى، وڭتۇستىك كورەيا) جاۋاپ بەردى.

الماتىدا GORILLA STYLE WARS  اتتى كوشە ءبيى بويىنشا كونفەرەنتسيا ءوتتى.  كونفەرەنتسيا كەزىندە شەتەلدەن كەلگەن تانىمال بي ونەرىنىڭ مايتالماندارى ءوز ويلارىن ورتاعا سالدى. سونىمەن قاتار الماتى شاھارىندا كوشە ءبيىنىڭ ءارتۇرلى جانر بويىنشا جارىس ءوتىپ، جەڭىمپاز پەن جۇلدەگەرلەردىڭ ەسىمدەرى انىقتالدى.

كوشە بيلەرى بويىنشا حالىقارالىق چەمپيونات قازاقستاندا التىنشى رەت وتكىزىلىپ وتىر، ال تۋرنير سوڭعى ءتورت جىلدا GORILLA STYLE WARS دەگەن اتپەن بەلگىلى. بيىل جارىس  قازاقستان، بەلارۋس، تاجىكستان، قىرعىزستان جانە وزبەكستاننان كەلگەن hip-hop (حيپ-حوپ)، popping (پوپپينگ)، breaking (برەيكينگ) جانە krump (كرامپ) ستيلىندەگى ۇزدىك بيشىلەردى جينادى. بۇل ايتۋلى وقيعا جىل سايىن تمد كەڭىستىگىندەگى بۇكىل بي قاۋىمداستىعىنىڭ نازارىن اۋدارىپ كەلەدى.

ءباسپاسوز كونفەرەنتسياسىندا ءسوز سويلەگەن Gorilla Energy كومپانياسىنىڭ ورتالىق ازياداعى سپورت جانە ءىس-شارالار ءبولىمىنىڭ باسشىسى الەكساندر كۋچۋرا «Gorilla STYLE WARS – بۇل قازاقستاندى بي الەمىن جارىققا شىعاراتىن شارا. جىل سايىن ءبىز قارلى كەسەك سياقتى ءوسىپ، قارقىن الىپ كەلەمىز. بيىل ءبىز بەس ەلدە جانە التى قالادا ىرىكتەۋ وتكىزدىك. ولار: پاۆلودار، دۋشانبە، بىشكەك، تاشكەنت، مينسك، استانا قالالارى. سول جەردە جەڭىمپاز اتانعاندار وسىندا كەلدى. ءبىز مادەنيەتتى street dance ساناتىنداعى بي باعىتتارىنا، اتاپ ايتقاندا حيپ-حوپ، كرامپ، پوپينگ، برەيكينگكە باعىتتايمىز. ءبىز بي الەمىنە قازاقستاندا دا وسىنداي ۇلكەن جانە ءىرى حالىقارالىق بي ءىس-شارالارى بولۋى مۇمكىن ەكەنىن ايتقىمىز كەلەدى،-دەدى.

 

Gorilla STYLE WARS ۇيىمداستىرۋشىلارى ايتقانداي، جىل سايىن چەمپيوناتتىڭ اۋقىمى كەڭەيىپ، قاتىسقىسى كەلەتىندەر سانى دا كوبەيىپ كەلەدى.

 

وتكەن جىلى الماتىدا 300-گە جۋىق ءبيشى بولعان. قازىر ءبىز 500 ادامدى كۇتۋدەمىز. 2022 جىلى ىرىكتەۋ ءۇش قالادا ءوتتى، بيىل – ىرىكتەۋ التى قالادا بولدى. ءبىز اۋقىمىمىزدى كەڭەيتىپ، ىرىكتەۋ كەزەڭدەرىن باسقا دا ەلدەردە وتكىزگىمىز كەلەدى، — دەدى چەمپيوناتتى ۇيىمداستىرۋشى جانە «Funky Dance»بي ورتالىعىنىڭ نەگىزىن قالاۋشى مارات ياگفاروۆ

 

«ءار قالادا ءتورت بي ءستيلى دە ۇسىنىلدى ما؟»، دەگەن سۇراققا ۇيىمداستىرۋشىلار تەك استانا بارلىق ءتورت باعىتتى ۇسىندى، قالعان قالالاردا ىرىكتەۋ jams – all styles battle فورماتىندا ءوتتى، ياعني ءار ءتۇرلى ستيلدەگى بيشىلەر ءبىر – بىرىنە قارسى شىعىپ، ءوزارا باق سىناستى دەپ جاۋاپ بەردى. بىراق فينالدا الماتىدا ءتورت بي ءستيلى دە ۇسىنىلدى.

 

“	ءار قالادا Gorilla Dance Team شەبەرلىك ساباقتارى وتكىزىلدى. كرامپ بيشىلەرى جوق جەردە كرامپ بويىنشا جانە قالعان ءۇش باعىت بويىنشا شەبەلىك سىنىپتارى بولدى. بولاشاقتا بەلگىلى ءبىر بي ستيلىندە كوبىرەك قاتىسۋشىلار بولاتىنىنا سەنىمدىمىز، — دەپ قوستى الەكساندر كۋچۋرا.

 

Gorilla Style Wars مازمۇنى بويىنشا تمد-دا تەڭدەسى جوق: باستاپقىدا ءاربىر شاقىرىلعان سۋديا ءوزىنىڭ نوميناتسياسىن باعالايدى (hip hop، popping، breaking، krump)، سودان كەيىن باتتل فيناليستەرى نوميناتسيا سۋدياسىمەن بىرگە كوماندا قۇرادى، سودان كەيىن ءار ءستيلدىڭ كومانداسى ءبىر-بىرىنە قارسى ونەر كورسەتەدى. ءبىر عانا ستيل جەڭىسكە جەتەدى. سوندىقتان بۇل وقيعا «style wars» – ستيلدەر شايقاسى دەپ اتالادى.

“

تورەشىلەر ءوز كومانداسىنا بيشىلەردى ىرىكتەپ الادى، ولاردىڭ مۇمكىندىكتەرىنە عانا ەمەس، بىرەگەيلىگىنە دە ءمان بەرەدى. ياعني، فينالدا تەك مىقتىلار عانا ەمەس، سونىمەن قاتار وزىندىك ەرەكشەلىگى بار ادامدار دا قالادى،- دەيدى مارات ياگفاروۆ. – بۇل رەتتە GSW كوشە شايقاستارى فورماتىندا وتەدى: بيشىلەر قانداي مۋزىكالىق كومپوزيتسيانى ورىندايتىنىن الدىن الا بىلمەيدى، ولاردىڭ ءبيى – فريستايل. ءيا، ءار ستيلدە بەلگىلى ءبىر بازالىق ەلەمەنتتەر بار، ءسويتىپ ولار ءوزارا بايلانىسىپ، وسىلايشا دايىندىق باستالادى. بىراق ءبيشى ساحناعا شىققانشا دەيىن قالاي بيلەيتىنىن بىلمەيدى. ءبىز ەۋروپادان DJ JOSEPH WU-نى شاقىردىق، ول ترەكتەردى قويادى، تورەشىلەر مەن قاتىسۋشىلاردىڭ ەشقايسىسى DJ فينالىنا قانداي ترەكتەر دايىنداعانىن بىلمەيدى. بۇل فريستايل. ءبيشى كومپوزيتسياعا بەيىمدەلىپ، قارسىلاسىن جەڭۋ ءۇشىن بارىن سالۋ كەرەك. ياعني، بيشىلەر ساحناعا شىعىپ، كەرەمەت فريستايل جاساپ، ءوز ءستيلىن كورسەتىپ، قارسىلاسىمەن باتلعا ءتۇسىپ، جەڭىسكە جەتۋى كەرەك.

 

ءباسپاسوز ءماسليحاتىندا شاقىرىلعان سۋديالار وزدەرىنىڭ ەموتسيالارىمەن ءبولىستى، قوناقتاردىڭ بارلىعى قازاقستانعا العاش رەت كەلگەن.

مەن قازاقستاندا ءبىرىنشى رەت، شاقىرعانىڭىز ءۇشىن راحمەت، نە بولارىن كۇتۋدەمىن، — دەدى اقش-تان كەلگەن تورەشى  Bruiser.

بي-بۇل ونەر تۋرالى، قوزعالىس تۋرالى، سەزىم تۋرالى. ءبىز ۇكىم شىعارمايمىز، بي اتموسفەراسىنان ءلاززات الامىز، — دەپ اتاپ ءوتتى فرانتسيادان كەلگەن تورەشى Fabreezy.

تورەشىلىك تۋرالى ايتاتىن بولساق، مەن تەك شەبەرلىككە، بي سەزىمىنە، ونەرگە نازار اۋدارامىن. مەن ارقاشان ونەرگە، شەبەرلىككە، بي شەبەرلىگىنە، باسقا بەلگىلەرگە قاراماستان قاراۋ كەرەك دەپ سانايمىن،- دەپ قوستى كانادادان كەلگەن تورەشىسى Greentack.

“	Gorilla Style Wars – بۇل ءبىر – بىرىمەن ءبىر تىلدە — بي تىلىندە سويلەيتىن ادامداردى بىرىكتىرۋ، — دەپ اتاپ ءوتتى الەكساندر كۋچۋرا.

 

چەمپيوناتتىڭ فينالى تاياۋدا الماتىدا ءوتتى. قىزىقتى شايقاستا بارلىق ءتورت بي ءستيلىن ۇسىناتىن ۇزدىك بيشىلەر جينالدى: قازاقستان، بەلارۋس، تاجىكستان، قىرعىزستان جانە وزبەكستاننان كەلگەن hip-hop (حيپ-حاپ)، popping (پاپينگ)، breaking (برەيكينگ) جانە krump (كرامپ). فينال بارلىق بي جانكۇيەرلەرى ءۇشىن ناعىز مەرەكە بولدى. وندا كەلگەندەر كەرەمەت قويىلىمداردان ءلاززات الدى، بيشىلەردىڭ ەنەرگياسى مەن قۇمارلىعىنان شابىت الىپ، الەمنىڭ تۇكپىر-تۇكپىرىنەن كەلگەن پىكىرلەس ادامدارمەن سويلەسۋ مۇمكىندىگى تۋدى.

بيىل Zooty Zoot (وڭتۇستىك كورەيا) تورەشىلەر كومانداسىنىڭ breaking (برەيكينگ) بيشىلەرى جەڭىمپاز اتاندى – بۇل قازاقستاننان كەلگەن Kalmius جانە بەلارۋستەن كەلگەن Wolf. بالالار بارلىق كورەرمەندەردىڭ سۇيىسپەنشىلىگىنە بولەنىپ، ءتۋرنيردىڭ باس تورەشىسى گەنري لينكتىڭ قۇرمەتىنە يە بولا وتىرىپ، كەرەمەت تەحنيكاسى مەن ەرەكشە ءستيلىن كورسەتتى.

سونىمەن قاتار، كورەرمەندەر جەكە نوميناتسيالار بويىنشا جەڭىمپازداردى ماراپاتتادى. ولار: بىشكەكتەن كەلگەن hip-hop ستيلىندە ونەر كورسەتكەن وما اسانبەكوۆ، تاشكەنتتەن كەلگەن پوپپينگ ستيلىندە ونەر كورسەتكەن ارتۋر سادريەۆ، استانادان كەلگەن داۋرەن جاكەنوۆ Krump ستيلىندە ونەر كورسەتتى جانە الماتىدان كەلگەن كالميۋس ۆلاديمير breaking ستيلىندە بيلەپ ماراپاتقا يە بولدى.

Gorilla Style Wars-2023 چەمپيوناتىنىڭ فينالى بارلىق كورەرمەندەر مەن قاتىسۋشىلاردىڭ جۇرەگىندە ءىز قالدىرعان شىنىمەن ۇمىتىلماس شوۋ جاسادى.

 

سالتانات قاجىكەن،

الماتى

فوتو اۆتوردىكى