Eýropa chempıonatyna joldama alyp, halyqty qýantamyz — Magomed Adıev

20 qarashadan 21 qarashaǵa qaraǵan túni Lıýblıana qalasynda fýtboldan 2024 jyly ótetin Eýropa chempıonaty týrnıriniń aıasynda Slovenııa men Qazaqstan ulttyq qurama komandalary kezdesedi. Bul matchta Eýrododaǵa joldama beriledi. N tobynda Danııa quramasy óz alańynda Slovenııa jasaǵyn 2:1 esebimen jeńip, bir týr buryn Eýropa chempıonatyna joldama alyp qoıdy.

Qazir týrnır kestesinde dat fýtbolshylary 22 upaımen birinshi orynda tur. Ekinshi orynǵa Slovenııa quramasy ornalasyp otyr. Bul eldiń komandasynda 19 upaı bar. Al Qazaqstan quramasy San-Marıno jasaǵyn jeńgennen keıin 18 upaımen úshinshi orynǵa taban tiredi. Endi Qazaqstan men Slovenııaǵa EURO-2024 dodasyna tikeleı joldama alý úshin tek qana jeńis kerek. Sondyqtan bul match qos quramaǵa da mańyzdy.

Osydan eki kún buryn ulttyq qurama Lıýblıana qalasyna baryp, matchqa daıyndyqty bastap ketti. Keshe komandalar BAQ ókilderine baspasóz máslıhatyn ótkizip, oıyn aldyndaǵy sońǵy jattyǵý jasady.

Ulttyq quramanyń bas jattyqtyrýshysy Magomed Adıev kezdesýde Eýropa chempıonatyna joldama alyp, qazaq halqyn qýantý úshin bar kúsh-jigerimizdi salamyz, dedi.

Biz Slovenııamen matchqa úlken úmitpen keldik. Erteń biz myqty qarsylaspen oınaımyz. Biz irikteý týrnırinde kez kelgen ulttyq quramamen ıyq teńestirip oınaı alatynymyzdy kórsettik, kórsetip te kelemiz. Sondyqtan erteń Eýropa chempıonatyna joldama alyp, qazaq halqyn qýantý úshin bar kúsh-jigerimizdi salamyz.  Biz matchqa tek upaı jınaý úshin daıyndalamyz, — dedi ol.

Onyń aıtýynsha, Slovenııa quramasy da oıynǵa jaqsy daıyndalyp jatqanǵa uqsaıdy. Olarǵa teń oıynda jetedi. Biraq, qarsylas komanda teń oıyndy qanaǵat tutpaı, jeńý úshin baryn salady.

Jattyqtyrýshy aıtqandaı, osyǵan deıin biz bir jumydyryqqa jumylǵan ujym retinde oınadyq, — dedi kezdesýde bas jattyqtyrýshydan keıin sóz alǵan ulttyq qurama komandanyń qorǵaýshysy Baǵdat Qaıyrov, — Biz ujym retinde myqtymyz. Sondyqtan erteń alańǵa qaı oıynshy shyqsa da baryn salyp, janyn berip, sońyna deıin oınap, oıyn órnegin kórsetedi dep oılaımyn. Biz úshin erteńgi matchta kim oınasa da maqsatymyz ózgermeıdi. Biz úshin eń basty maqsat, Eýropa chempıonatyna joladma alý. Sol úshin ár oııynshy ózin jaqsy jaǵynan kórsetedi dep senemiz. Jattyqtyrýshylar shtaby oıyn aldynda aqyl-keńesterin aıtyp jatyr. Slovenııamen matchqa jaqsy daıyndyqpen shyǵamyz.

Kezdesýde ulttyq quaramnyń jartylaı qorǵaýshysy Aslan Darabaev erteńgi oıynda jan alysyp, jan berisin oınaıtynyn atap aıtty.

Biz osy kezge deıin bar kúsh-jigerimizdi oınap keldik. Endi erteń de jan alysyp, jan erisip oınaımyz. Ashat Taǵybergen, Baqtıer Zaınýtdınov, Baǵdar Qaıyrov, Mıhaıl Gabyshevtiń alańǵa shyǵa almaıtynyn bilesizder. Sondyqtan olarǵa tek tez jazylyp ketýin tileımin. Al erteńgi matchta Qudaı qalasa, janymyzdy berip oınaımyz. Qudaıdyń qalaýymen biz Eýropa chempıonatyna joldama alý úshin keldik. Sondyqtan Slovenııamen oıyn asa qyzyqty jáne tartysty bolady dep oılaımyn.

Erteń Qudaı qalasa jaqsy habarǵa qýanyp, kıim aýystyratyn bólmege kiremiz. Qazaq elin qýantamyz, — dedi ulttyq quramanyń oıynshysy Aslan Darabaev.

Osydan keıin bas jattyqtyrýshy taǵy sóz alyp, Slovenııa komandasy týraly aıtty.

Qarsylastar týraly aıtsam, olardyń bir bizden bir ereksheligi, Slovenııada myqty oıynshylar jetkilikti. Olar Eýropanyń myqty degen chempıonattarynda oınaıdy. Kóptegen úlken týrnırlerde oınaǵan. Al bizde rýh bar, minez bar. Judyryqtaı jumylǵan komandamyz bar. Biz osy kezge deıin upaı jınaý úshin oınadyq. Ony ózderińiz de jaqsy bilesizder. Erteńgi oınyǵa da jaqsy daıyndalyp shyǵamyz. Al nátıjesi matchtan keıin belgili bolady, — dedi ol.

Bas jattyqtyrýshy Qazaqstan quramasynyń syrt alańdaǵy jáne óz alańdaǵy oıyndarynyń erekshelig týraly da pikir bildirdi.

Bilesizder me, bul psıholıgııaǵa baılanysty shyǵyr. Men óz basym solaı oılaımyn. Ony «Astana Arenadaǵy» San-Marıno matchy da kórsetti. Eger fýtbolshy ulttyq quramada kóp oınamaı, quramynyń jeıdesinde alańǵa shyqsa bul da kádimgideı psıhologııalyq salmaq salady. Sol sebepti oıynshyǵa quramanyń jeıdesinde ózi sýda júzgen balyqtaı seziný úshin belgili bir ýaqyt kerek.Al Slovenııamen matchqa alańǵa jańa oıynshylar shyǵady. Slovenııa da Danııamen matchqa biraz fýtbolshysyn shyǵarmaı, bizben oıynǵa saqtaǵan. Sondyqtan bizge psıholıgııalyq jaǵynan da ońaı bolmaıdy. Jalpy, «jeńý kerek, jeńý kerek», «mindettin túrde jeńý kerek» degen sózder oınyshyǵa keri áser etedi. Ol San-Marınomen oıynda da bilindi.  Fýtbolshyǵa ol kádimgideı salmaq salady. Slovenııa týraly taǵy aıtsam, olar ózderine senimdi eken. Keshe Slovenııanyń quramyn kórdim. Bizdi jeńetinderine senimdi. Biraq bizdiń toptaǵy qarsylastyń bári sondaı bolyp edi ǵoı. Men basqa elderden ulttyq quramaǵa degen qurmetti sózben emes, istep dáleldegim keledi. Erteń de solaı bolady, — dedi Magomed Adıev.

Kezdesýde ol Slovenııamen oıynǵa ulttyq quramany qoldaý úshin jaraqat alǵan komanda kapıtany Ashat Taǵybergen men Mıhaıl Gabyshev kelgenin, Baýyrjan Islamhannyń da qatarǵa qosylatynyn aıtty. Al Baqtıer Zaınýtdınov ókinishke qaraı, kele almaıdy. Oǵan «Beshıktashtyń» dárigerleri ushaqpen ushýǵa ruqsat bermegen.

Slovenııa-Qazaqstan matchyna Polsha tóreshiler brıgadasy qyzmet etedi.

Bas tóreshi bolyp Shımon Marchınıak taǵaıyndaldy. Onyń kómekshileri Pavel Sokolnıkı men Adam Kýpsık bolady. Tórtinshi tóreshi — Pavel Rachkovskıı.

Marchınıak Katardaǵy álem chempıonatynda 36 bas tóreshileriniń biri bolyp jumys istedi.

Ol álem chempıonatynyń toptyq kezeńdegi Franııa men Danııa matchyna (2:1), 1/8 fınaldyń Argentına men Avstralııa oıyny (2:1) men fınalda bas tóreshi bolǵan. Al fınalda Argentına quramasy Franııa komandasyn negizgi ýaqyt 3:3 esebimen aıaqtalǵanda penaltı serııasynda 4:2 esebimen jeńgeni belgili.

Taǵy da eske salaıyq, 20 qarashadan 21-ne qaraǵan túni Astana ýaqytymen saǵat 01.45-te Qazaqstan jáne Qazsport telearnalarynda kórsetiledi. Ázirshe aıtarymyz osy.

Aıtqandaı, búgin — Qazaqstan fýtbol federaııasynyń prezıdenti Ádilet Bármenqulovtyń týǵan kúni. Ulttyq qurama QFF basshysynyń týǵan kúnine Slovenııa komandasyn jeńip, Eýropa chempıonatyna joldama alsyn dep tileımiz!

 

Daıyndaǵan Dastan KENJALIN,

ASTANA