Nysana kózdeý: Ásem Orynbaı — Álem kýbogynyń ıegeri!

Ásem Orynbaı Katardyń astanasy – Doha qalasynda nysana kózdeýden ótip jatqan Álem kýbogynyń fınalynda altyn medal jeńip aldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Ulttyq qurama sportshysy stend atýdyń skıt baǵdarlamasynda fınalǵa shyǵyp, 51 ball jınady. Kıara Dı Marıantonıo (Italııa) 50 nysanany dál kózdep kúmis júldege ıe bolsa, qola medal Danııa Djo Vııge (AQSh) buıyrdy. Bul synda úsh dúrkin Olımpıada chempıony Kımberlı Roýd (AQSh) júldege bir taban jetpeı qaldy (34 upaı).

23 qarashada Ásem Orynbaı alǵashqy irikteýden keıin 72 upaımen kósh basyna shyqqan edi. Al keshe 44 ball alyp, fınalǵa 6-orynmen (116 upaı) joldama aldy. Qazaq mergeni qazir ISSF reıtınginde 7-orynda kele jatyr.

О́te baqyttymyn. Búgin kún raıy qolaıly boldy dep aıta almaımyn. Sát saıyn jel turyp, «tosyn syı» jasap jatty. Soǵan qaramastan úzdik shyqtym. Bul osy maýsymdaǵy sońǵy jarys. Bar oıym laıyqty óner kórsetý boldy, — dedi Ásem Orynbaı fınaldan keıin Halyqaralyq nysana kózdeý federaııasynyń baspasóz qyzmetine bergen suhbatynda.

Bıylǵy maýsymda Ásem Orynbaı ár jarysta birneshe ret jeńis tuǵyryna kóterildi. Atap aıtar bolsaq, mamyrda Almatyda ótken reıtıngtik Álem kýbogynda jekeleı synda top jaryp, izin ala áriptesi Edýard Eщenkomen birge kúmis júldeger atandy. Odan keıin jazda Lonatodaǵy (Italııa) Álem kýbogynda aralas juptar arasynda (Edýard Eщenkomen)  úshinshi oryn alǵan.

Halyqaralyq nysana kózdeý federaııasy (ISSF) mundaı fınaldy araǵa 4 jyl salyp uıymdastyryp otyr. Básekede 42 elden kelgen 179 úzdik mergen baq synap jatyr.