ۋەفا ۇلتتار ليگاسى:  قازاقستان قۇراماسى يزرايلمەن ەكى ويىندا ءبىر ۇپاي الدى

فۋتبولدان قازاقستان ايەلدەر قۇراماسى ماجارستاننىڭ تەلكي قالاسىندا ۇلتتار ليگاسىندا يزرايل كومانداسىمەن ەكى ماتچ وتكىزدى. ءبىرىنشى ويىندا وتانداستارىمىز قارسىلاستارىنان 0:2 ەسەبىمەن جەڭىلسە، ەكىنشى ويىندا 0:0 ەسەبىمەن تەڭ ءتۇستى، دەپ حابارلادى قازاقستان فۋتبول فەدەراتسياسى.

ءبىرىنشى ماتچ اسا تارتىستى جانە قىزىقتى بولدى. قازاقستان قاقپاسىنا ەكى گول ءبىرىنشى تايمدا سوعىلدى. ال ەكىنشى تايمدا ايەلدەر قۇراماسى ەسەپتى قىرقارتقىسى كەلگەنىمەن ونىسىنان ەشتەىە شىقپادى. كەرىسىنشە، ءتورت سارى قاعاز الىپ، ويىننىڭ سوڭىنا دەيىن ەسەپتى ۇستاۋعا تىرىستى. ال ەكىنشى ويىندا وتانداستارىمىز ءبىرىنشى ماتچتاعى قاتەلىكتەردى ەسكەرىپ، سونى بولدىرماۋعا تىرىسىپ وينادى. سوندا دا قارسىلاستار قاقپاسىن ءدال كوزدەي المادى. ماتچتىڭ سوڭىنا دەيىن تابلوداعى ەسەپ ەش وزگەرمەدى.

ەندى ۇلتتىق قۇراما ەستونيامەن 1 جەلتوقساندا، ارمەنيامەن 5 جەلتوقساندا وينايدى. ەكى ماتچ تا  «استانا ارەنا» ستاديونىندا بولادى.

قازاقستان – يزرايل – 0:0

قازاقستان: پورتنوۆا (ۆ)، دەميدوۆا (لوزۋكوۆا 46)، ايتىموۆا، مياسنيكوۆا، گايستەنوۆا، جۇمابايقىزى (حايرۋللينا 72)، نيزامۋتدينوۆا، نۋرۋشەۆا، تۇرلىبەكوۆا (سادىقوۆا 73)، قاراجانوۆا (كەڭەس 86)، الدانازار (بەرىكوۆا 46);

باس جاتتىقتىرۋشى: ماديار كەمبىلوۆ;

يزرايل: رۋبين، چيتمان (سەليمحودجيچ 46)، احتەل، الماسري (شتاينشنايدەر 62)، ناكاۆ، حازان (حاليل 62)، مورين (اۆيتال 76)، سوممەر، اۆاد، شارابي، ەليناۆ;

باس جاتتىقتىرۋشى: ەرەز بەلفەر;

تورەشىلەر: دجانسۋ ترياك، مۋرۆەت ياۆۋزتۇرك، ارزۋ گورگۋن، مەليز وزچيگدەم (بارلىعى تۇركيادان).