ÝEFA Ulttar lıgasy:  Qazaqstan quramasy Izraılmen eki oıynda bir upaı aldy

Fýtboldan Qazaqstan áıelder quramasy Majarstannyń Telkı qalasynda Ulttar lıgasynda Izraıl komandasymen eki match ótkizdi. Birinshi oıynda otandastarymyz qarsylastarynan 0:2 esebimen jeńilse, ekinshi oıynda 0:0 esebimen teń tústi, dep habarlady Qazaqstan fýtbol federaııasy.

Birinshi match asa tartysty jáne qyzyqty boldy. Qazaqstan qaqpasyna eki gol birinshi taımda soǵyldy. Al ekinshi taımda áıelder quramasy esepti qyrqartqysy kelgenimen onysynan eshteie shyqpady. Kerisinshe, tórt sary qaǵaz alyp, oıynnyń sońyna deıin esepti ustaýǵa tyrysty. Al ekinshi oıynda otandastarymyz birinshi matchtaǵy qatelikterdi eskerip, sony boldyrmaýǵa tyrysyp oınady. Sonda da qarsylastar qaqpasyn dál kózdeı almady. Matchtyń sońyna deıin tablodaǵy esep esh ózgermedi.

Endi ulttyq qurama Estonııamen 1 jeltoqsanda, Armenııamen 5 jeltoqsanda oınaıdy. Eki match ta  «Astana Arena» stadıonynda bolady.

Qazaqstan – Izraıl – 0:0

Qazaqstan: Portnova (v), Demıdova (Lozýkova 46), Aıtymova, Mıasnıkova, Gaıstenova, Jumabaıqyzy (Haırýllına 72), Nızamýtdınova, Nýrýsheva, Turlybekova (Sadyqova 73), Qarajanova (Keńes 86), Aldanazar (Berikova 46);

Bas jattyqtyrýshy: Madııar Kembilov;

Izraıl: Rýbın, Chıtman (Selımhodjıch 46), Ahtel, Almasrı (Shtaınshnaıder 62), Nakav, Hazan (Halıl 62), Morın (Avıtal 76), Sommer, Avad, Sharabı, Elınav;

Bas jattyqtyrýshy: Erez Belfer;

Tóreshiler: Djansý Trıak, Mýrvet Iavýztúrk, Arzý Gorgýn, Melız Ozchıgdem (barlyǵy Túrkııadan).