Astanada Dúnıejúzilik kóshpendiler oıyndarynyń daıyndyǵy talqylandy

Astanada Týrızm jáne sport mınıstrligi Sport jáne dene shynyqtyrý isteri komıtetiniń tóraǵasy Erbol Myrzabosynovtyń tóraǵalyǵymen Ulttyq sport túrlerin damytý jáne 2024 jylǵa arnalǵan mindetter boıynsha alqaly jıyn boldy, dep habarlady vedomstvo.

Sonymen qatar is-sharada kelesi jyly Astanada uıymdastyrylatyn V Dúnıejúzilik kóshpendiler oıyndarynyń daıyndyq barysy talqylandy.

Tól sportymyzdy dáripteýge arnalǵan basqosýǵa Ulttyq jáne at sporty ortalyǵynyń dırektory Baqdáýlet Sábıtov, Ulttyq sport qaýymdastyǵynyń ókilderi, ulttyq sport federaııalarynyń prezıdentteri, óńirlik sport basqarmalarynyń basshylary, aımaqtardaǵy ulttyq sport mektepteri men klýbtarynyń basshylary men «Qazsportınvest» AQ mamandary qatysty.

Jıynda sóz alǵan Erbol Myrzabosynov ulttyq sport – ulttyq qundylyǵymyzdyń, ulttyq mádenıetimizdiń bir bóligi ekenin aıta kelip, ulttyq sport túrlerin odan ári damytý jáne halyqaralyq arenaǵa shyǵarý basty mindet ekenin jetkizdi, dep habarlady Týrızm jáne sport mınıstrligi Sport jáne dene shynyqtyrý isteri komıteti.

Osy baǵytta ulttyq sport túrleri federaııalarymen birigip, birqatar is-sharalar atqarylyp jatyr. Bıyl ulttyq sporttyń birneshe túrinen álem jáne Azııa chempıonattary, Álem jáne Azııa kýbogy, Dúnıejúzilik jaýyngerlik óner oıyndary syndy iri jarystar boldy. Sportshylardyń nátıjesi jaman emes. Biraq alda turǵan mindet kóp. Búgingi tańda sonyń eń bastysy – 2024 jylǵy V Dúnıejúzilik kóshpendiler oıyndaryn abyroımen ótkizý.  Jaqsy nátıjege jetkizý úshin jaqsy daıyndyq kerek. Barshańyzdy aldaǵy Kóshpendiler oıyndaryn laıyqty ótkizýge atsalysýǵa shaqyramyn, — dedi Erbol Myrzabosynov.

Kún tártibinde turǵan Ulttyq sport túrlerinen respýblıkalyq federaııalardyń atqarǵan jumystary men alǵa qoıǵan josparlary, elimiz boıynsha ulttyq sporttyń damýy, Dúnıejúzilik kóshpendiler oıyndaryna daıyndyq barysy, Ulttyq sport túrlerin damytý jáne ár túrli máseleler boıynsha federaııa basshylary, ulttyq jáne at sporty ortalyǵynyń dırektory, «Qazsportınvest» AQ prezıdentiniń orynbasarlary baıandama jasady. Árbir federaııa atqarǵan jumystaryna esep berip, Ulttyq sporttyń áleýetin arttyrý maqsatynda usynystar aıtty.

Jıyn sońynda ulttyq sport túrleriniń ózekti máseleleri talqylanyp, oń sheshim tabý úshin barlyq federaııa birlese jumys atqarýǵa kelisti.