Taekvondoshy Jansel Denız Gran-prıdiń fınalyna shyqty

2-3 jeltoqsan aralyǵynda Ulybrıtanııanyń Manchester qalasynda taekvondodan bıylǵy jylǵy Gran-prıdiń fınaly bolady, dep habarlaıdy Týrızm jáne sport mınıstrligi Sportty damytý dırekııasynyń baspasóz qyzmeti.

Bul básekede Olımpıada baǵdarlamasyna kiretin 8 salmaqta 38 memleketten jınalǵan 128 tańdaýly sportshy júldege talasady. Iaǵnı, ár salmaqta 16 daıang sheberinen. Bastysy, mundaǵy upaılar Parıj oıyndaryna barý múmkindigin jaqyndata túsedi.

Qazaqstan atynan Manchesterge tek bir ǵana taekvondoshy barady. Ol – 67 keliden asa salmaqtaǵy Jansel Denız. Djakartadaǵy Azıadanyń kúmis, Hanchjoýdaǵy oıyndardyń qola júldegeri qazir olımpıadalyq reıtıngte 14-satyda tur. Demek, Ulttyq qurama ókili Astana qalasynda (2-4 jeltoqsan) ótetin VI jazǵy Spartakıadaǵa qatysa almaıdy.

Jansel bıyl Bakýde ótken álem chempıonatynda 73 kg salmaqta shırek fınalda súrinip (Polına Han), júldege bir taban jetpeı qalǵan. Bul salmaqta álem chempıony Alteıa Lorın jalpy reıtıngtiń kóshbasshysy.

Budan bólek, Gran-prıdiń fınalynda 2019 jylǵy álem chempıony, Hanchjoýdaǵy Azıadanyń chempıony Djýn Chjan (Ońtústik Koreıa, 58 kg); Tokıo Olımpıadasynyń chempıony Panıpak Vongpattanakıt (Taıland, 49 kg); Tokıo Olımpıadasynyń chempıony Ulyqbek Rashıtov (О́zbekstan, 68 kg); 2023 jylǵy álem chempıony Sımone Alessıo (Italııa, 80 kg); 2023 jylǵy álem chempıony Sheık Salla Sısse (Kot-d’Ivýar, 80 kg); 2023 jylǵy álem chempıony zýnshı Lo (Qytaı, 57 kg) jáne Magda Vıt Enen (Franııa, 67 kg).