Qazaqstan quramasynyń úsh boksshysy álem chempıony atandy

Armenııanyń Erevan qalasynda bokstan jasóspirimder arasynda ótip jatqan álem chempıonatynda Tolǵanaı Qasymhan, Aıajan Sydyq pen Aısulý Muhıt altyn medaldi jeńip aldy.

Aıajan Sydyq 54 kg salmaqta fınalda Úndistan ókili Amısha Kerkettamen kezdesip, ony  5:0 esebimen jeńdi. Tolǵanaı Qasymhan 60 kg salmaqta reseılik Kıra Leonovadan 3:2 esebimen basym tústi. Osylaısha ol Qazaqstan quramasyna ekinshi altyn júldeni syılady.

Úshinshi altyn júldeni  66 keli salmaqtaǵy Aısulý Muhıt jeńip aldy. Ol fınalda rýmyn sportshysy Amalııa Týgýıdy jeńdi.

Endi búgin uldar arasynda Nurasyl Tólebek (54 kg) fınalǵa shyǵady.

Dastan KENJALIN,

ASTANA