بولات وتەمۇراتوۆ تەننيس فەدەراتسياسىنىڭ پرەزيدەنتى بولىپ قايتا سايلاندى

استانا قالاسىندا قازاقستان تەننيس فەدەراتسياسىنىڭ جىل سايىنعى كونفەرەنتسياسى بولىپ جاتىر. وسى جيىندا كونفەرەنتسيانىڭ دەلەگاتتارى مەن فەدەراتسيا فيليالدارىنىڭ وكىلدەرى بولات وتەمۇراتوۆتى الداعى ءتورت جىلعا قازاقستان تەننيسى ۇيىمىنىڭ باسشىسى ەتىپ سايلادى، دەپ حابارلادى تەننيس فەدەراتسياسى.

بولات وتەمۇراتوۆ 2007 جىلدان بەرى فەدەراتسياعا جەتەكشىلىك ەتىپ كەلەدى. بۇگىندە ەلدە 48 قازىرگى زامان ساي جاسالعان تەننيس ورتالىقتارى بولسا، ونداعى 364 كورتتىڭ باسىم بولىگى – جابىق كورتتار. 30 مىڭداي بالا تەننيسپەن اينالىسسا، 3 500 بالا تەگىن جاتتىعادى. ولاورعا قاجەتتى كيىم مەن ۇلتتىق جانە حالىقارالىق تۋرنيرلەرگە قاتىسۋ ءۇشىن فەدەراتسيادان قارجىلاي كومەك بەرىلەدى.  وسى جىلدار ىشىندە فەدەراتسيا بالالارمەن جۇمىس ىستەيتىن 300 جاتتىقتىرۋشى مەن 500 نۇسقاۋشىنى دايىنداپ شىعاردى.

ەلىمىزدە 2020 جىلدان بەرى ۇلتتىق جارىستارمەن (جىلىنا 200-دەي) قاتار ATP 250 تۋرنيرلەرى دە ۇيىمداستىرىلادى. 2022 جىلى جارىس دەڭگەيى اتر 500-گە دەيىن كوتەرىلدى.

جاسوسپىرىمدەردىڭ تابىستارى ەرەكشە قۋانتادى. جۋىردا 16 جاسقا دەيىنگى جاسوسپىرىمدەر اراسىندا ەلىمىزدىڭ بوزبالالار مەن قىزدار قۇرامالارى كوماندالىق الەم چەمپيوناتىندا ونەر كورسەتتى.

بىلتىر 14 جاسقا دەيىنگىلەر اراسىندا قازاقستان قۇراماسى الەم چەمپيوناتىندا ۇزدىك ءتورت كوماندانىڭ قاتارىنا كىردى. ال 2023 جىلدىڭ قورىتىندىسى بويىنشا جاسوسپىرىمدەر اراسىندا ITF رەيتينگىسىندە توپ-100-گە ەكى تەننيسشىمىز  ەندى. قازىر ءامىر ومارحانوۆ – 57، اسىلجان ارىستانبەكوۆا 66-ورىندا تۇر.

حالىقارالىق تەننيس فەدەراتسياسىنىڭ باعالاۋى بويىنشا 2021 جىلىقازاقستان تەننيستىڭ دامۋى جونىنەن الەمدەگى 20 ۇزدىك ەلدىڭ قاتارىنا كىردى. بۇل رەتتە ويىنشىلار مەن سالىنعان كورتتار سانى جانە ۇلتتىق قۇرامانىڭ وليمپيادالارداعى، دەۆيس كۋبوگى مەن بيللي دجين كينگ كۋبوگىنداعى تابىستارى سەكىلدى كريتەريلەر ەسەپتەلدى.

ەسكە سالا كەتەيىك، بيىلعى قىركۇيەك ايىندا بولات وتەمۇراتوۆ حالىقارالىق تەننيس فەدەراتسياسىنىڭ (ITF) ديرەكتورلار كەڭەسىنە ءۇشىنشى رەت سايلاندى.