SportPress.kz قازاقستان سپورت جاڭالىقتارى
تۋريزم جانە سپورت ءمينيسترى ەرمەك مارجىقپاەۆ شىعىس قازاقستان وبلىسىنىڭ تۇرعىندارىمەن ەسەپتىك كەزدەسۋ وتكىزدى. القالى جيىنعا ءوڭىر ازاماتتارى، قوعام بەلسەندىلەرى، باق وكىلدەرى، وڭىرلىك سپورت فەدەراتسيالارىنىڭ باسشىلارى، تۋريزم سالاسىنىڭ كاسىپكەرلەرى، سپورتشىلار قاتىستى، دەپ حابارلادى ۆەدومستۆو.
ءوڭىر تۇرعىندارىمەن كەزدەسۋدە ەرمەك مارجىقپاەۆ مينيسترلىكتىڭ بيىلعى جۇمىسى، تۋريزم جانە سپورت سالاسىندا جۇرگىزىلىپ جاتقان رەفورمالار جانە الداعى جوسپارلارى تۋرالى باياندادى.
2025 جىلعا دەيىن ەلىمىزدە مەملەكەتتىك-جەكەشەلىك ارىپتەستىك اياسىندا 113 جاڭا سپورت نىسانى سالىنىپ، قولدانىستاعى 26 نىسان قايتا جاڭارتىلادى. ماسەلەن، بيىل شىعىس قازاقستان وبلىسىنداعى ۇلان اۋدانىنىڭ ايىرتاۋ اۋىلىندا سپورت ءمودۋلىنىڭ قۇرىلىسى اياقتالدى، سونداي-اق التاي قالاسى مەن التاي اۋدانىنىڭ جاڭا بۇقتىرما كەنتىندە، كۇرشىم (كۇرشىم اۋدانى)، ۇلكەن نارىم (قاتونقاراعاي اۋدانى) جانە بەلوۋسوۆكا (گلۋبوكوە اۋدانى) اۋىلدارىندا ستاديونداردى قايتا جاڭعىرتۋ ءۇشىن جوبالاۋ-سمەتالىق قۇجاتتامانى دايىنداۋ جۇمىستارى جۇرگىزىلىپ جاتىر.
مينيستر ەلىمىزدىڭ بارلىق وڭىرىندە سپورت نىساندارىن اۋقىمدى تۇگەندەۋ جۇمىستارى جۇرگىزىلگەنىن اتاپ ءوتتى. جۇرگىزىلگەن جۇمىستىڭ ناتيجەسىندە سپورتتىق ينفراقۇرىلىمعا اسا مۇقتاج وڭىرلەردىڭ، اتاپ ايتقاندا اۋىلدىق جەرلەردىڭ تىزبەسى ايقىندالادى. تۇگەندەۋ قورىتىندىسى بويىنشا شقو-دا 1859 نىساننىڭ 10 پايىزى نەمەسە 186 وبەكتىنىڭ قاجەتتى پارامەترلەرگە سايكەس ەمەس ەكەنى انىقتالدى.
ەلىمىز تاۋەلسىزدىك العالى شىعىس قازاقستان وبلىسىنىڭ 40 تۋماسى وليمپياداعا قاتىستى. بۇل شىعىس ءوڭىرىنىڭ سپورتتىق الەۋەتى جاقسى ەكەنىن كورسەتىپ تۇر. قىتايدا وتكەن ازيادا قورىتىندىسى بويىنشا جەرگىلىكتى سپورتشىلار سەمسەرلەسۋ، بايداركا جانە كانوەدا ەسكەك ەسۋ، ەسۋ سلالومى بويىنشا جۇلدەگەرلەر قاتارىنان كورىنگەنىمەن، 2023 جىلعى ازيا ويىندارىندا العاش رەت شقو اتلەتتەرى التىن مەدالسىز قالدى. وكىنىشكە قاراي، سپورتشىلارىمىزدىڭ ونەرىن جالپى قاراستىرار بولساق، ولاردىڭ ونەرىنە كوڭىلىمىز تولمايتىنىن، اسىرەسە بوكس، اۋىر اتلەتيكا، ەركىن جانە گرەك-ريم كۇرەسى جانە باسقالارى بويىنشا لايىقتى ناتيجە كورسەتە العان جوق، — دەپ ءسوزىن تۇيىندەدى ەرمەك مارجىقپاەۆ.
جىل سوڭىنا دەيىن شىعىس قازاقستان وبلىسىندا 7 ينۆەستيتسيالىق جوبا جوسپارلانعان، ونىڭ ۇشەۋى جۇزەگە اسىرىلىپ ۇلگەردى. 2023 جىلى وسكەمەن قالاسىندا حالىقارالىق دارەجەدەگى «Best Western Plus» ءتورت جۇلدىزدى قوناق ءۇيىنىڭ، «مۇزتاۋ» ەكو-قوناق ءۇيى، 3 قوناق ءۇيدىڭ قۇرىلىسى اياقتالدى، سونىمەن قاتار قاتونقاراعاي اۋدانىنداعى «توپقايىڭ» بازاسى كەڭەيتىلدى. بيىل وسكەمەن قالاسىندا «ديامانت» قوناق ءۇيىنىڭ جانە كۇرشىم اۋدانىندا اۋىر جۇك تاسىمالدايتىن كولىكتەرگە ارنالعان جول بويىنداعى قوناق ءۇي قۇرىلىسى اياقتالادى. 2024 جىلى بۇقتىرما سۋ قويماسىنىڭ جاعاسىندا «Shale la Bale» دەمالىس ورنىنىڭ قۇرىلىسى اياقتالادى دەپ جوسپارلانعان.
مينيستر قازىرگى تاڭدا شىعىس قازاقستان وبلىسىنىڭ تۋريستىك الەۋەتى تولىق اشىلماعانىن اتاپ ءوتتى: «وبلىستارىڭىز تابيعات رەسۋرستارىنىڭ بىرەگەيلىگىمەن، لاندشافتاردىڭ ءار الۋاندىعىمەن جانە باي تاريحي مۇرامەن ەرەكشەلەنەدى. مۇنىڭ ءبارى ءتۋريزمنىڭ بارلىق ءتۇرىن دامىتۋعا قولايلى جاعداي جاسايدى. يۋنەسكو تىزىمىنە ەنگەن قاتونقاراعاي ۇلتتىق تابيعي پاركى الەمدىك ساناتتاعى كورنەكى جەر سانالادى. الەۋەتى ۇلكەن ەكەنىن ايتا كەتۋ كەرەك، بىزگە ونى تولىقتاي پايدالانۋ قاجەت. سەبەبى بۇل ايماق وتاندىق قانا ەمەس، شەتەلدىك تۋريستەردى تارتاتىن ورتالىقتىڭ بىرىنە اينالۋعا ءتيىس، — دەدى ەرمەك مارجىقپاەۆ.
بيىلعى جىلدىڭ 9 ايىندا شىعىس قازاقستانعا 281،2 مىڭ جەرگىلىكتى تۋريست كەلگەن، 2022 جىلدىڭ وسى كەزەڭىمەن سالىستىرعانداعى ءوسىم – 13،7%. شەتەلدىك ساياحاتشىلار سانى 14،7 مىڭ ادامدى قۇراعان، بۇل وتكەن جىلدىڭ وسى كەزەڭىمەن سالىستىرعاندا 16،7%-كە كوپ.
مينيستر ەسەپ بەرگەننەن كەيىن ازاماتتاردى جەكە قابىلداپ، ولاردىڭ سۇراقتارىنا جاۋاپ بەرىپ، ماسەلەلەرى مەن ۇسىنىستارىن تىڭدادى.
