قازاق حوككەيشىسى اقش-تا رەكورد جاسادى

اقش-تا قازاق حوككەيشىسى بەكسۇلتان ماقىش «بوستون» حوككەي اكادەمياسىنىڭ U15 كومانداسى قۇرامىندا 100 ۇپايدى جينادى. ول قارسىلاستار قاقپاسىنا 44 ويىندا 55 شايبا سالىپ، 45 رەت كوماندالاستارىنىڭ گول سالۋىنا كومەكتەستى. ياعني، 45 رەت ۇتىمدى پاس بەردى.

سونىمەن قاتار 15 جاستاعى بەكسۇلتان بحا ساپىندا ءبىر ماۋسىمدا ەڭ كوپ شايبا سالعان حوككەيشى اتاندى.

وعان دەيىن كەمەرون شتەل 47 شايبا سالىپ، رەكوردسمەن بولعان ەدى.

بەكسۇلتان اقش-قا بارماس بۇرىن «بارىس» كلۋبىنىڭ 14 جاسقا دەيىنگى حوككەيشىلەر كومانداسىندا ويناعان. ول 13 جاسقا دەيىنگى بالالار اراسىندا «بارىستىڭ» Eñ myqtylar U-13 جاساعىندا ءبىر ماۋسىمدا 18 ويىن ويناپ، 43 شايبانىڭ اۆتورى اتانعان. 20 رەت اسسيست جاساعان. بارلىعى 63 ۇپاي جيناعان. ال 14 جاسقا دەيىنگىلەر اراسىندا QRCH U-14 كومانداسىندا ءبىر ماۋسىم ويناپ، 15 ماتچتا 18 شايبا سالىپ، 4 اسسيست جاساعان. ودان كەيىن Eñ myqtylar U-14 كلۋبىنا اۋىسىپ، 20 ويىندا 38 رەت قاقپانى ءدال كوزدەپ، كوزگە تۇسكەن. وسى ماتچتاردا 18 رەت كوماندالاستارىنا ءدال پاس بەرگەن. بارلىعى 69 ۇپايدى قالتاسىنا باسقان.

بەكسۇلتان بىلتىر «بارىستىڭ» 15 جاسقا دەيىنگى حوككەيشىلەر كومانداسىندا ويناپ، اقش-تىڭ «بوستون» حوككەي اكادەمياسىنا الىنعان. استانا كلۋبىنىڭ 15 جاسقا دەيىنگى جاساعىندا ول 38 گول سالىپ، 31 رەت ناتيجەلى پاس بەرگەن. ودان كەيىن سپورتشى اقش-تاعى World selects تۋرنيرىنە قاتىسىپ، 6 ماتچتا 8 شايبانىڭ اۆتورى اتانىپ، 7 رەت كوماندالاستارانى جاقسى پاس بەرەدى. وسى تۋرنيردە بەكسۇلتاندى سكاۋتتار بايقاپ، وزدەرىنە شاقىرعان.

جاس حوككەيشى 2008 جىلى تۋعان. كەلەسى جىلى ول 16 جاسقا تولادى.

داستان كەنجالين،

استانا