Qazaq hokkeıshisi AQSh-ta rekord jasady

AQSh-ta qazaq hokkeıshisi Beksultan Maqysh «Boston» hokkeı akademııasynyń U15 komandasy quramynda 100 upaıdy jınady. Ol qarsylastar qaqpasyna 44 oıynda 55 shaıba salyp, 45 ret komandalastarynyń gol salýyna kómektesti. Iaǵnı, 45 ret utymdy pas berdi.

Sonymen qatar 15 jastaǵy Beksultan BHA sapynda bir maýsymda eń kóp shaıba salǵan hokkeıshi atandy.

Oǵan deıin Kemeron Shtel 47 shaıba salyp, rekordsmen bolǵan edi.

Beksultan AQSh-qa barmas buryn «Barys» klýbynyń 14 jasqa deıingi hokkeıshiler komandasynda oınaǵan. Ol 13 jasqa deıingi balalar arasynda «Barystyń» Eñ myqtylar U-13 jasaǵynda bir maýsymda 18 oıyn oınap, 43 shaıbanyń avtory atanǵan. 20 ret assıst jasaǵan. Barlyǵy 63 upaı jınaǵan. Al 14 jasqa deıingiler arasynda QRCH U-14 komandasynda bir maýsym oınap, 15 matchta 18 shaıba salyp, 4 assıst jasaǵan. Odan keıin Eñ myqtylar U-14 klýbyna aýysyp, 20 oıynda 38 ret qaqpany dál kózdep, kózge túsken. Osy matchtarda 18 ret komandalastaryna dál pas bergen. Barlyǵy 69 upaıdy qaltasyna basqan.

Beksultan byltyr «Barystyń» 15 jasqa deıingi hokkeıshiler komandasynda oınap, AQSh-tyń «Boston» hokkeı akademııasyna alynǵan. Astana klýbynyń 15 jasqa deıingi jasaǵynda ol 38 gol salyp, 31 ret nátıjeli pas bergen. Odan keıin sportshy AQSh-taǵy World selects týrnırine qatysyp, 6 matchta 8 shaıbanyń avtory atanyp, 7 ret komandalastarany jaqsy pas beredi. Osy týrnırde Beksultandy skaýttar baıqap, ózderine shaqyrǵan.

Jas hokkeıshi 2008 jyly týǵan. Kelesi jyly ol 16 jasqa tolady.

Dastan KENJALIN,

ASTANA