Samat Smaqov «Astana» FK basshylyq qyzmetine taǵaıyndaldy

Samat Smaqov «Astana» klýbynyń tehnıkalyq dırektory bolyp taǵaıyndaldy.

Tehnıkalyq dırektordyń mindetine sport bóliminiń qyzmetin tehnıkalyq turǵyda qamtamasyz etý kiredi. Onyń ishinde fýtbol akademııasynyń qurylysyn qadaǵalaý men akademııanyń tıimdi jumys isteýi jatady.

Klýb basshylyǵy Samat Qabırulynyń fýtbol salasyndaǵy kásibı mol tájirıbesiniń arqasynda aldaǵy ýaqytta «Astana» fýtbol klýbynyń tehnıkalyq baǵyttaǵy jumystary tek oń sheshimin taýyp, damı túsedi dep senim bildiredi, – dep habarlady «Astana» fýtbol klýbynyń Instagram-da.

Buǵan deıin Samat Smaqov «Aqtóbe» fýtbol klýbynyń dırektory men «Elim-aı» klýbynyń bas jattyqtyrýshysy qyzmetin atqarǵan. Ol semeılik klýbty premer-lıgaǵa shyǵarǵan.

Samat Smaqov fýtbolshy retinde «Aqtóbe» klýby men Reseı jáne Túrkııanyń komandalarynda oınaǵan.

Dastan KENJALIN,

ASTANA