Anamdy tappaıynsha, Ispanııaǵa barmaımyn – anasyn izdegen qazaq balasy

Shetelden elimizge kelip, anasyn izdep jatqan Murat esimdi (qazirgi qujatynda EddJan, – red.) jas jigit áleýmettik jelide kópshilikke jaqsy habar aıtty.

Bul jigittiń aty qazaqshada áýeli Jánibek bolyp tanystyrylǵan edi. Odan keıin qujat boıynsha onyń aty-jóni Jánibek Muratuly Jumaǵulov dep atalatyny belgili boldy. Biraq bala osy kúnge deıin ózin «Murat» dep tanystyryp júr. Efırde de, senarııde de Murat dep jazyńyzshy degen – balanyń úlken ótinishi. Mine, osy bir aıdan beri anasyn izdep júrgen Murat bir saǵat buryn Qazaqstanda anasyn tappaıynsha, Ispanııaǵa barmaıtynyn jetkizdi.

Men anama qazirgideı jaqyn bolǵan emespin. Sondyqtan anamdy tapqansha Ispanııaǵa úıge oralmaýdy jón kórdim.

Qurmetti qazaq eli, maǵan sizderdiń qoldaýlaryńyz ben kómekterińiz qajet. Men anamdy izdeýdi doǵarǵan joqpyn. Áli de izdeý ústindemin. Osy postty Instagram storıste bólisińiz. Maǵan ana kerek. Qazaqstannan týǵan anamdy taýyp, ony qushaǵyma alyp, týystarymdy tabatynyma senimdimin, — dedi ol.

Murat Facebook-te Jani Saveliev (Murat) degen atpen tirkelgen. Bul jas jigit týraly vıdeony alǵash ret Facebook-te jýrnalıst Oljas Berkimbaev  jarııalady. Ol 2002 jyly 17 qańtarda Arqalyqta týǵanyn, 2004 jyly sol qaladaǵy balalar úıinen qazirgi belgııalyq otbasy, ıaǵnı jalǵyzbasty anasy asyrap alýǵa alyp ketkenin aıtty.

Belgili telejúrgizýshi Qymbat Dosjan EddıJanǵa «Qazaq radıosyndaǵy» «Barmysyń, baýyrym?» baǵdarlamasy arqyly kómektesip, onyń anasy týraly tyń derekter tabylǵanyn habarlady. Bul kezde Murat anasy týraly qandaı da bir málimet alý úshin týǵan qalasy – Arqalyqta júr edi.

Muratqa qatysty taǵy da bólek arhıvtik qujat tabyldy. 13 paraqtan turatyn qujatty aldyq. Arqalyqta júrgen Murat sol qujattardyń kóshirmesin aldy. Onyń anasy Arqalyq perzenthanasyna 2002 jyly 17 qańtarda túsken. 21 qańtarda keshki saǵat 22:00-ge deıin úıge baryp keleıinshi dep perzenthana dárigerine qolhat qaldyrady. Baladan bas tartpaǵan. Qaıtyp kelemin degen. Osy rette kóp kómek kórsetken Arqalyq perzenthanasynyń basshylyǵyna alǵys bilidermiz, — dedi Qymbat Dosjan.

Buǵan deıingi arhıvtik qujattarda kelinshek Aqqumnan dep shyqsa, odan keıin Aqkól aýylynda turǵan degen derek paıda boldy.

Dastan KENJALIN,

ASTANA