شىمكەنتتە تاۋ شاڭعىسى كۋرورتى سالىنۋى مۇمكىن

شىمكەنتتە وتكەن Creative Shustry of Shymkent 2023 فورۋمىندا تۋريزم جانە سپورت ءمينيسترىنىڭ ورىنباسارى ەرجان ەركىنباەۆ الداعى ۋاقىتتا قالادا تاۋ شاڭعىسى كۋرورتى سالىنۋى مۇمكىن ەكەنىن ايتتى، دەپ حابارلادى ۆەدومستۆو.

جيىندا ەرجان ەركىنباەۆ شىمكەنت قالاسىنىڭ تابيعي كورىكتى جەرلەرىمەن، تاريحي-مادەني نىساندارىمەن جانە قالانىڭ ءدامدى گاسترونومياسىمەن ۇلكەن تۋريستىك الەۋەتكە يە ەكەنىن اتاپ ءوتتى.

سونىمەن قاتار ەرجان ەركىنباەۆ ءوڭىردىڭ مۇمكىندىكتەرىن ەسكەرە وتىرىپ، ايماقتاعى ءتۋريزمنىڭ دامۋىنا وڭ سەرپىن بەرەتىن تاۋ شاڭعىسى كەشەنىن سالۋ قاجەتتىگى تۋرالى ايتتى.

ۋاقىت وتە كەلە قاسقاسۋ اۋماعى تاۋ شاڭعىسى ءتۋريزمىنىڭ ورداسىنا اينالادى دەپ ۇمىتتەنەمىز. بۇل باعىتتا جۇمىس جۇرگىزىلۋدە، — دەدى ول.

سونداي-اق ەرجان ەركىنباەۆ وڭىردەگى جانە جالپى ەلدەگى كرەاتيۆتى يندۋستريالاردى دامىتۋ بويىنشا پىكىرلەرىن ورتاعا سالدى.

جيىننان كەيىن Creative industry of Shymkent فورۋم-كورمەسى بولىپ، وعان 500 ادام قاتىستى. كورمەدە 30-عا جۋىق سپيكەر كرەاتيۆتى يندۋستريا سالاسىندا جاڭا يدەيالاردى ەنگىزۋ، جوبالاردى ىسكە اسىرۋ ءۇشىن ينۆەستورلار مەن دەمەۋشىلەردى تارتۋ بويىنشا بايانداما جاسادى.

كورمە اياسىندا 20 جوبا ۇسىنىلىپ، بىرقاتار مەموراندۋم مەن جول كارتاسىنا قول قويىلدى.