Shymkentte taý shańǵysy kýrorty salynýy múmkin

Shymkentte ótken Creative Shustry of Shymkent 2023 forýmynda týrızm jáne sport mınıstriniń orynbasary Erjan Erkinbaev aldaǵy ýaqytta qalada taý shańǵysy kýrorty salynýy múmkin ekenin aıtty, dep habarlady vedomstvo.

Jıynda Erjan Erkinbaev Shymkent qalasynyń tabıǵı kórikti jerlerimen, tarıhı-mádenı nysandarymen jáne qalanyń dámdi gastronomııasymen úlken týrıstik áleýetke ıe ekenin atap ótti.

Sonymen qatar Erjan Erkinbaev óńirdiń múmkindikterin eskere otyryp, aımaqtaǵy týrızmniń damýyna oń serpin beretin taý shańǵysy keshenin salý qajettigi týraly aıtty.

Ýaqyt óte kele Qasqasý aýmaǵy taý shańǵysy týrızminiń ordasyna aınalady dep úmittenemiz. Bul baǵytta jumys júrgizilýde, — dedi ol.

Sondaı-aq Erjan Erkinbaev óńirdegi jáne jalpy eldegi kreatıvti ındýstrııalardy damytý boıynsha pikirlerin ortaǵa saldy.

Jıynnan keıin Creative industry of Shymkent forým-kórmesi bolyp, oǵan 500 adam qatysty. Kórmede 30-ǵa jýyq spıker kreatıvti ındýstrııa salasynda jańa ıdeıalardy engizý, jobalardy iske asyrý úshin ınvestorlar men demeýshilerdi tartý boıynsha baıandama jasady.

Kórme aıasynda 20 joba usynylyp, birqatar memorandým men jol kartasyna qol qoıyldy.