قازاقستان جاسوسپىرىمدەر وليمپياداسىنا ازىرشە نەشە جولداما الدى؟

كەلەسى جىلدىڭ 19 قاڭتار مەن 1 اقپان ارالىعىندا وڭتۇستىك كورەيانىڭ كانۆوندو پروۆينتسياسىنداعى كاننىن قالاسىندا IV قىسقى جاسوسپىرىمدەر وليمپياداسى بولادى. بۇل جارىس ەلىمىزدىڭ جاڭا جىلعا جوسپارلانعان ەڭ باستى باسەكەلەردىڭ ءبىرى بولىپ سانالادى، دەپ حابارلادى تۋريزم جانە سپورت مينيسترلىگى.

بۇل دوداعا ەلىمىزدىڭ سپورتشىلارى ءتورتىنشى رەت قاتىسادى. جالپى، جاسوسپىرىمدەردىڭ قىسقى وليمپياداسى 2012 جىلدان بەرى ۇيىمداستىرىلىپ كەلەدى.

قازىرگى تاڭدا قازاقستان جاسوسپىرىمدەر قۇراماسىنىڭ قورجىنىندا بياتلون، كونكيمەن جۇگىرۋ، شورت-ترەك، كەرلينگ، شايبالى حوككەي، شاڭعى جارىسى، شاڭعىمەن ترامپليننەن سەكىرۋ، شاڭعى قوسسايىسى، تاۋ شاڭعىسى، فريستايل پاراللەل موگۋل تۇرىنەن 30 جولداما بار. دەسە دە، جولداما سانى ءالى دە تولىعا ءتۇسۋى مۇمكىن. ويتكەنى، جاسوسپىرىمدەر وليمپياداسىنا ليتسەنزيا بەرەتىن جارىستار جالعاسىپ جاتىر، — دەلىنگەن حابارلامادا.

V قىسقى جاسوسپىرىمدەر وليمپياداسىنىڭ اشىلۋ سالتاناتى 2024 جىلدىڭ 19 قاڭتارىندا كاننىنداعى Gangneuung Oval سپورت كەشەنىندە وتسە، ويىنداردىڭ جابىلۋ سالتاناتى 2024 جىلدىڭ 1 اقپانىندا Gangneung Olympic Park سپورت كەشەنىندە ۇيىمداستىرىلادى دەپ جوسپارلانعان. ويىندارعا 70 ەلدەن 1800 سپورتشى قاتىسادى دەپ كۇتىلۋدە.