Qazaqstan jasóspirimder Olımpıadasyna ázirshe neshe joldama aldy?

Kelesi jyldyń 19 qańtar men 1 aqpan aralyǵynda Ońtústik Koreıanyń Kanvondo provınııasyndaǵy Kannyn qalasynda IV qysqy jasóspirimder Olımpıadasy bolady. Bul jarys elimizdiń jańa jylǵa josparlanǵan eń basty básekelerdiń biri bolyp sanalady, dep habarlady Týrızm jáne sport mınıstrligi.

Bul dodaǵa elimizdiń sportshylary tórtinshi ret qatysady. Jalpy, jasóspirimderdiń qysqy Olımpıadasy 2012 jyldan beri uıymdastyrylyp keledi.

Qazirgi tańda Qazaqstan jasóspirimder quramasynyń qorjynynda bıatlon, konkımen júgirý, short-trek, kerlıng, shaıbaly hokkeı, shańǵy jarysy, shańǵymen tramplınnen sekirý, shańǵy qossaıysy, taý shańǵysy, frıstaıl parallel mogýl túrinen 30 joldama bar. Dese de, joldama sany áli de tolyǵa túsýi múmkin. О́ıtkeni, jasóspirimder Olımpıadasyna lıenzııa beretin jarystar jalǵasyp jatyr, — delingen habarlamada.

V qysqy jasóspirimder Olımpıadasynyń ashylý saltanaty 2024 jyldyń 19 qańtarynda Kannyndaǵy Gangneuung Oval sport kesheninde ótse, Oıyndardyń jabylý saltanaty 2024 jyldyń 1 aqpanynda Gangneung Olympic Park sport kesheninde uıymdastyrylady dep josparlanǵan. Oıyndarǵa 70 elden 1800 sportshy qatysady dep kútilýde.