SportPress.kz قازاقستان سپورت جاڭالىقتارى
رەسەي فۋتبول فەدەراتسياسىنىڭ (رفف) اتقارۋشى كوميتەتى ازيا فۋتبول كونفەدەراتسياسىنا (افك) مۇشە بولۋعا قارسى داۋىس بەردى.
اتقارۋ كوميتەتىنىڭ بارلىق مۇشەلەرى حالىقارالىق تۋرنيرلەرگە قاتىسۋ ءۇشىن فيفا كەپىلدىگىنسىز ازياعا بارۋدىڭ ماعىناسى جوق ەكەنىن ايتتى.
بىزگە ازيا كەرەك ەمەس. ءبىز ەۋروپادا ويناعىمىز كەلەدى. سول ءۇشىن كۇرەسەمىز. رەسەي ەۋروپاداعى ەل. ءبىز ازياعا بارماۋدى شەشتىك. بارلىعى ءبىراۋىزدان شەشىمدى قولدادى، — دەدى رفف ۆيتسە-پرەزيدەنتى احماد ايداميروۆ تاسس اگەنتتىگىنە بەرگەن سۇحباتىندا.
رەسەي فۋتبول وداعىنىڭ پرەزيدەنتى الەكساندر ديۋكوۆ ۇيىمنىڭ اتقارۋشى كوميتەتىنىڭ ازيا فۋتبول كونفەدەراتسياسىنا مۇشەلىككە وتپەۋى تۋرالى شەشىمى تۇپكىلىكتى ەمەس ەكەنىن ايتتى.
كونفەدەراتسيانى وزگەرتۋ نۇسقاسى جويىلمايدى. ءبىز بۇل مۇمكىندىكتى بيىل بولماسا، كەلەسى جىلى ءتيىمدى پايدالانا الامىز، — دەدى ول.
2022 جىلدىڭ اقپان ايىنان باستاپ رەسەيگە قولدانىلعان سانكتسيالارعا بايلانىستى ۋەفا جارىستارىنا قاتىسۋعا تىيىم سالىنعان بولاتىن.
داستان كەنجالين،
استانا
